ЧУДОТО СЕ ВИКА АЈДА: Девојчето спасено од под урнатините во Измир прво што побарало било ќофте и арјан

Целиот свет се моли за четиригодишното девојче Ајда кое беше извлечено од под урнатините во Измир, кој го погоди силен земјотрес со јачина од 6,6 степени.

 

Вчера на социјалните мрежи стана хит видеото на кое можеше да се забележи како спасувачите успеаа да го извлечат девојчето херој кое повеќе од 90 часа беше под урнатините.

 

Ајда моментално е во болница и е во добра состојба. Се опоравува.

Турскиот претседател на Твитер објави дека таа е добро и се помоли за неа.

„Чудото се вика Ајда. Фала му на Алах кој ни даде нова надеж низ твоите насмеани очи по 91 час. Ти посакувам брзо закрепнување, прекрасно дете “, напиша турскиот претседател Реџеп Таип Ердоган на Твитер, посакувајќи побрзо закрепнување на четиригодишната Ајда Гезгин.

Набргу потоа, Ердоган објави видео од девојчето Ајда од болницата, каде се опоравува.

İnsanlık zincirinin ebediyet halkası;
Çocukların kalbinde işler zaman rakkası…

Güzel yavrumuz Ayda'nın tüm Türkiye'ye selamı var… pic.twitter.com/CYtzgZQETu

— Recep Tayyip Erdoğan (@RTErdogan) November 3, 2020

Посебни емоции во јавноста предизвика моментот кога малата Ајда, ги кажува своите детски желби и кога еден од спасувачите ја праша што сака во моментот таа одговори храна.

– Што сакаш, душо?

Ајда: Храна

Каква храна

Ајда: Ќофтиња и Ајран

 

Од урнатините вчера беше спасено уште едно девојче Елиф, кое беше пронајдено 65 часа по земјотресот.

-Твојата насмевка ќе остане врежана во нашите срца. Имај убав, долг и успешен живот Елиф – напиша на социјалните мрежи Омер Сертес, советник за медиуми во Амбасадата на Република Турција во БиХ.

Брзо закрепнување на Елиф и посака и турскиот претседател кој по разорниот земјотрес во Измир, им вети нови куќи и станови на сите што останаа без покрив над главата.

Seni, kardeşlerin Elzem ve Ezel'i; İdil'i, İnci'yi ve daha birçok evladımızı bizlere bağışlayan Allah'a şükürler olsun.

Geçmiş olsun canım yavrum… pic.twitter.com/cQSdZp6T8G

— Recep Tayyip Erdoğan (@RTErdogan) November 2, 2020

На 30 октомври силен земјотрес ги погоди грчките острови Додеканези а потоа беше регистриран земјотрес со јачина од 6,6 степени по Рихтер во турскиот крајбрежен град Измир.

 

Според податоците во земјотресот животот го загубиле над 100 лица. Во петокот загинаа 91 лице.

Инаку вчера Јавното обвинителство во Измир започна истрага против одговорните за изградбата на зградите кои целосно се срушија во земјотресот.

Беа приведени 9 од 11-те осомничени, меѓу кои и  работниците кои работеле на зградите срушени во земјотресот.