Хаска пронашла напуштено бебе старо неколку часа- видео камерите ја фатиле мајката како го остава!

Неодамна британската полиција објави фотографии од напуштено бебе, кое беше пронајдено во парк во Бирмингем, како и видео од жена за која се верува дека е мајка на момчето.

Момчето, на кое му беше дадено името Џорџ, откако беше пронајдено ден пред празникот Свети Ѓорѓи, се уште е во болница и е во стабилна состојба.

Малиот Џорџ случајно бил пронајден во паркот од куче хаскa кое сопственикот го шетал. Момчето беше завиткано во ќебе и ставено во картонска кутија а човекот немаше да го забележи ако кучето не беше упорно и го туркаше пакетот со муцката. Тогаш кучето легна покрај пакетот и започна да го турка.

– Тогаш го слушнав тивкиот плач на детето. Мислам дека моето куче Хел го разбуди и дека детето тогаш почна да плаче – изјави Тери Волш.

Во моментот кога момчето било пронајдено, било старо само неколку часа, а без-бедносните камери ја снимиле жената за која се верува дека е мајка на момчето.

– Бебето е здраво и напредува убаво, но за жал сè уште не успеавме да ја лоцираме мајката и многу сме загрижени. Сакаме да провериме дали е здрава и физички и пcихички – објави полицијата.

Како што наведоа, тие се плашат дека на мајката и е потребна медицинска помош по породувањето.

Инспекторот Нил Хант, кој ја води истрагата испрати порака до мајката и апел до по лицијата.

– Вие сте мојата прва грижа сега и морам да се осигурам дека сте добро. Не знам ништо за тоа како Џорџ дојде на овој свет. Јас и самиот сум родител и знам дека може да биде многу тешко – рече Хант, обраќајќи се на мајката која го напушти бебето.

Тој ги повика граѓаните да се јават доколку имаат какви било информации за мајката на напуштеното момче.

– Исто така, ги замолувам сите што поминаа покрај паркот помеѓу 5 и 18 април да не контактираат – рече Хант.