Фотографиите од роденденот на Душко откриваат се: Додека тој ужива во нивните прегратки, Јелена никаде ја нема

Фудбалерот Душко Тошиќ вчера го прослави својот 38 роденден, опкружен со семејството и пријателите.

Тој на својот Инстаграм профил сподели бројни честитки, но барем јавно изостанаа емотивните зборови на неговата се уште легална сопруга Јелена Карлеуша.

Двојката веќе подолго време има проблеми во бракот, како што пишуваат медиумите, за што Јелена во неколку наврати јавно проговори.

Иако пејачката често истакнува дека не се разведува од Душко, сепак не се појавила на прославата, барем за што сведочат сликите.

Стори приказните на познатиот фудбалер открија многу, а на умешното око не можеше да му избегне фактот дека Душко го прослави својот роденден во гала ресторан, во друштво на своите пријатели и ќерките Атина и Ника. Тој и девојките блескаа од среќа.

Помладата ќерка на Јелена Карлеуша, Ника, вчера на Инстаграм објави видео на кое го носи дресот на српската фудбалска репрезентација во која своевремено беше и нејзиниот славен татко. Сосема е сигурно дека таа го израдувала својот татко со овој потег.

Пејачката претходно се осврна на гласините за разводот и откри дека со Душко се уште живее заедно.

Поп-ѕвездата и фудбалерот на почетокот на летото се огласија во јавноста и открија дека на нивниот брак му дојде крајот, и дека ќе направат се нивните наследнички да го пребродат тој тежок период.

Бидејќи Јелена сè уште има чувства кон Душко и цврсто верува дека и другата страна го чувствува истото, пред неколку недели во една телевизиска емисија откри дека во нивната куќа не се зборува за развод, дека спортистот не постои без неа, а дека се надева дека оваа година ќе го поправи своето однесување кон неа.

– Не сме разведени, се уште живееме во четири ѕида, а времето ќе покаже се повеќе од тоа. Во 2023 година би сакала Душко да го промени начинот на размислување, почитувајќи ја и сакајќи ја мајката на своите деца – признала ЈК и додала:

– Верувам дека сè уште сме во брак бидејќи јас како дете на разведени родители секогаш се плашев од колапс и распад на семејството. Би го доживеала тоа како неуспех. Поради Атина и Ника, сакам да имаат чувство за заедница и семејство што е можно подолго, бидејќи тоа е многу важно. За жал, Душко го нема тој порив и чувство во себе, откри Јелена.