Фолкерот по кој лудуваат жените откри детали за бракот- еве кога доаѓа принова!

Иако не сака да зборува за приватниот живот, пејачот Слоба Радановиќ неодамна откри дека тој и неговата сопруга Јелена планираат дете.

Имено, пејачот започна љубовна врска со Јелена во 2019 година, а во февруари годинава љубовта ја крунисаа со брак, па пејачот сега проговори за проширување на семејството.

-Да, работиме на проширување на семејството – кратко рече, а потоа откри кое му е омиленото катче во луксузниот дом во кој неодамна се пресели со Јелена.

– Мојот базен моментално е во изградба, само што се вселив. Изградив теретана, тоа беше моја желба, ја опремив просторијата по мој вкус, тоа е мое катче каде што ќе го поминувам најголемиот дел од моето време. Се срамам да зборувам за бројки, мислам дека тоа е непотребно.

– Најдов куќа која ми одговара, барав помирно место, убава област, како да сум бил таму десет години. Соседите се супер – рече пејачот и додаде дека сите му кажуваат дека во близина на неговиот дом живее и пејачот Мирослав Илиќ.

– Сите ми велат дека Мирослав Илиќ е во близина, би сакал да го слушнам како пее од тераса – изјави Слоба за Блиц.

Да потсетиме дека и за Јелена и за Слоба ова е втор брак.

Првиот сопруг на Јелена, со кој има две деца, е бизнисменот Игор Марковиќ, кој живее и работи во странство и, како што изјави претходно за медиумите, од самиот почеток ја поддржува романсата меѓу поранешната сопруга и Радановиќ бидејќи најважно за него е дека мајката на неговите деца е среќна и исполнета.

-Јелена и јас не сме долго време заедно, иако се уште сме во брак. Таа долго време е слободна жена, па апсолутно нејзина работа е со кого се гледа – изјави Марковиќ пред три години.

Бившиот на Јелена тогаш откри дека двајцата имаат искрена врска, па меѓу првите дозна дека неговата поранешна сопруга се гледа со Радановиќ.

– Ние двајца сме во добри односи и веќе разговаравме на таа тема. Немам ништо против нејзиниот избор, таа е мајка на моите деца и сакам да биде среќна. Навистина не го знам нивото на нивната врска, знам само дека се гледаат- изјави тогаш Игор за Информер.
Марковиќ имаше можност да се запознае со популарниот пејач и за него има само пофални зборови.