Уфф, погледнете со каков фраер Карлеуша го замени Душко: Не му е ни до колена на атрактивниот менаџер

Поп-дивата Јелена Карлеуша во последно време работи со полна пареа. Покрај тоа што го украсува својот нов дом на Дедиње, пејачката речиси секој викенд ги полни клубовите низ регионот и дијаспората.

Во исто време,Јелена посочи и дека е при крај со новиот албум „Алфа“, кој нејзините обожаватели го чекаат цела деценија, па секојдневно поминува по неколку часа во музичкото студио.

Српските медиуми сега ја уловија Јелена како ужива во сончевите есенски денови во центарот на Белград, каде таа ги завршуваше секојдневните обврски. Карлеуша била во друштво на нејзиниот пријател и деловен соработник Зоран Бирташевиќ, кој го возел автомобилот со кој двајцата дошле до центарот.

Зоран е долгогодишен соработник и менаџер на пејачката, кој е запознаен со секој детал од нејзиниот живот.

Поголемиот дел од времето го поминуваат заедно. Тие се активни на социјалните мрежи, а често објавуваат и заеднички фотографии. Зоран повеќе од десет години е нејзина десна рака во се, од кариерата до приватни работи.

Многумина поради нивната блискост шушкаат дека таа го заменила Душко со него, но пејачката не се огласи по овие написи.

Инаку Јелена Карлеуша и Душко беа во центарот на вниманието поради веста за разводот, која на својот Инстаграм профил ја објави и самата таа.

Неодамна Јелена изнесе детали од приватниот живот – се наврати на разводот со фудбалерот Душко Тошиќ.

На прашањето дали таа и поранешниот фудбалер поднеле документи за развод, пејачката одговори – не.

– Не сме. Нека пишуваат што сакаат и кој што сака, исто како порано. Мене тоа ме погодува исто како кога комарец ќе касне слон. Никому ништо нема да објаснувам – изјави таа за новиот број на магазинот „Стори“.

На прашањето дали сама себе си рекла дека претерува кога го објавила соопштението за разводот, таа одговорила:

– Не претерав. Треба да научите да бидете паметни. Немам повеќе години за губење. Или-или сето тоа е во мојот живот од сега па натаму. Немам повеќе толеранција. Таа беше изгубена во овие 44 години маки. Како и да е, нема повеќе да зборувам за Душко. Кога ќе заслужи нешто убаво ќе го споменам. Дотогаш прашајте ме за љубовта кон животните – вели Јелена која прозборе за Атина и Ника и објасни дека дошол период кој е тежок за секој родител:

– Наскоро полнат 13 и 14 години, а периодот никогаш не бил потежок за нив и за мене. Се борам најдобро што знам со две девојчиња во пубертет кои многу пристојно го поднесуваат притисокот на славата на нивната мајка. Ситуацијата дома е потешка и по стресна, славата е помал проблем. Се борам како лав да ги заштитам и зајакнам, рече Јелена за магазинот Стори.

Да потсетиме, пејачката пред околу два месеци објави дека по 14 години брак се разведува од сопругот, фудбалерот Душко Тошиќ. По објавата таа замина на одмор во Турција заедно со своите миленички Атина и Ника.

– Јас и Душко се договоривме заемно да го прекинеме нашиот брак по 14 години. За жал, Душко повеќе не се гледа себеси како дел од нашето семејство. Техничките правни работи ќе се решаваат со договор во наредниот период, напиша Карлеуша во својата објава на Инстаграм.