ТРАГЕДИЈА: Дијана и Владимир почиnаа од коронавирус во рок од неколку дена- 11 деца останаа без родителска грижа!

Дијана и Владимир од Украина оставија зад себе 11 деца, откако пo-чинаа како последица на коронавирусот.

Имено Дијана Родикова од Василиков почина во понеделникот, само девет дена откако нејзиниот сопруг Владимир (44) ја загуби битката со истата болест. Двајцата имаа пет деца и беа старатели на уште осум деца кои останаа без родители за само неколку дена.

Владимир почина на 20 март, еден месец пред неговиот 45-ти роденден. Дијана не знаеше дека нејзиниот сопруг ја изгубил битката со коронавирусот. Лекарите се плашеле да и кажат, за да не и се влоши состојбата.

– Мама прва се разболе на почетокот на месецот. Почна да кашла, имаше треска и се пожали дека нема сила. Три дена после тоа и тато почна да ги има истите симптоми. Наскоро беа тестирани и двајцата по што добија позитивен резултат. Болниците се толку полни што докторот рече дека не можат да ги хоспитализираат се додека нивната сатурација не падне под 80. Само кога сатурацијата на тато падна на 79, дојде брзата помош и го одведоа – вели најстарата ќерка Александра, која сега ќе се грижи за мали деца.

Александра вели дека Владимир бил во болница три дена, а потоа го префрлиле на интензивна нега. Три дена подоцна, нејзината мајка исто така заврши во болницата. Таа вели дека на почетокот, нејзината мајка многу полесно ја поднесувала болеста отколку татко и, кој цело време се жалел на страшна бoлка.

– Лекарите рекоа дека тато се борел … Сепак, боцата со кислород повеќе не му помагаше. Прво го ставија тато на апарати за дишење, а потоа и мама. Двајцата беа свртени на стомак за да можат полесно да дишат. На 20 март, точно во 21 часот, тато почна да се гуши. Пробаа сè, но спас немаше – вели Александра.

Таа се плашеше дека кога нејзината мајка ќе дознае за смртта на Владимир многу ќе се потресе, па беше договорено да не и кажат ништо на Дијана. И таа се бореше како лав со опасна болест. Одлучиле да ја пренесат во болница во Киев. За време на транспортот, доживеала срцев удар.

– Лекарот ми се јави и ми рече: „Моли се повторно да и чука срцето“ – вели Басија Володарскаја, кума на децата.

Таа вели дека Александра чекала пред болницата нејзината мајка да биде донесена на интензивна нега.
– Не знам ни како ја однесоа жива таму, беше во бесознание – вели Басија.

Лекарите се бореле цела ноќ да и го спасат животот. Тие успеаја да ја зголемат нејзината сатурација до 90 и да го стабилизираат нејзиниот притисок. Ја ставија во кома и наместо неа апаратот дишеше, бидејќи нејзините бели дробови повеќе не функционираа. За жал, тогаш бубрезите почнаа да откажуваат.

– Лекарот ми се јави на 28 март и ми рече дека има само 5 проценти шанса да преживее. Тој рече дека очекуваме лоши вести во текот на вечерта. Плачев цело време. Некако се наметнуваше тој ден. Зборував со лекарите еден час по полноќ, но нејзината сатурација паѓаше, како и притисокот – вели Басија.

За жал, утрото на 29 март, во 6:20 часот, срцето на Дијана престана да чука.
Додека Владимир и Дијана се бореа за своите животи, 11-те деца од нивниот дом беа сместени во Домот за деца без родители. Ним им беше кажано дека нивниот татко починал, но децата се надеваа дека Дијана ќе се извлече. Никој немаше срце да им каже дека и таа е во лоша состојба.

За жал, една од девојките го прочита статусот на пријател на нејзината мајка на Фејсбук и сфати дека нејзината мајка веќе ја нема. На крајот, тие мораа на сите да им ја кажат вистината.

– Кога пристигнавме во Центарот за социјална работа, сите веќе плачеа. Тие знаеја дека ги нема. Тие веднаш прашаа што ќе се случи со нив. Најстарата ќерка, Александра, има 21 година и е омажена и сака да се грижи за нив, но тие сакаат да и доверат само три деца, нејзините биолошки сестри и браќа. Не е познато што ќе се случи со другите – очајна е кумата на Басија.

Кумата вели дека наскоро ќе започне хуманитарна акција со цел да им се обезбеди на децата покрив над главата, сето тоа во договор со Центарот за социјална работа. Александра се надева дека ќе може да ги задржи сите свои браќа и сестри, како и децата на кои нејзините родители им беа старатели. Сега ја чека сериозна битка, но не планира да се откаже.