Тончи Хулиќ откри каква е Хана како трудница, но и детали за себе: Целосно сум неспособна за нормален живот

Еден од најголемите хитмејкери во регионот Тончи Хуљиќ, кон крајот на јуни во Загреб ќе ја изведе првата поп-миса во светот.

Сплитчанецот во едно интервју откри колку му е важна верата во животот и како пред десет години сфатил дека не може без Бог.

– Не сакам никого да влечам за ракав и да го убедувам дека треба да веруваш во Бог и слично. Сите околу мене се верници, црквата ми е прв сосед, откри Хуљиќ и призна дека тоа не било секогаш така.

-Почнав да читам некои знаци, почнав да забележувам некои работи и во моментот кога ќе сфатиш дека нема случајност – веруваш. Не можам да кажам дека бев таков до пред 10-12 години, но потоа те обзема и стануваш зависник, не можеш да се ослободиш од верата“, изјави Хуљиќ за магазинот ИН.

Тончи истакна дека не може да замисли ден без музика.

– Немам хоби, целосно сум неспособен за нормален живот, не знам да лупам јајца, да готвам јајца, фрлам половина јајце кога лупам, мене ме прави среќен само правењето музика- рече тој.

Музиката и семејството се смислата на неговиот живот, а на изведбата на поп мисата во Загреб треба да биде и неговата ќерка Хана.

Дел од мисата ја сочинува и Хана, а како трудница, вели Тончи, воопшто не е захтевна.

„О, таа е убава во секој поглед, таа не е воопшто таква, како ништо да не се случува“, рече тој. Кога станува збор за здравјето, вели дека е вистински хипохондрик.

– Не само за себе сум хипохондрик, туку за целото семејство постојано пазам на се, постојано сум оптоварен, постојано се плашам од нешто, а тоа е нешто што не треба, што не оди со верата, вели Хуљиќ.

За потсетување, пејачот Петар Грашо неодамна се ожени со Хана Хуљиќ, ќерката на неговиот голем пријател и долгогодишен соработник на Тончи Хуљиќ.

Музичарот во една прилика истакна дека венчавката поминала токму онака како што си замислиле, а единствено биле вознемирени од бројните новинари пред црквата.

„Се беше онака како што јас и Хана сакавме. Мал круг на луѓе, само околу 50 пријатели. Единствено што не замислувавме беа 250-те новинари пред црквата. Моравме да се качиме во комбе, а луѓето малку не заштитија. Имавме романтична визија дека шетајќи низ тесните улички, држејќи се за рака, ќе стигнеме до црквата, но вистината е дека личеше на папарацо собир –рече Петар Грашо.

Тој е познат како некој кој внимателно го чува својот приватен живот од очите на јавноста. Но, овој пат откри дали нешто се променило во неговиот однос со Тончи Хуљиќ со кој соработува во текот на целата кариера.

– Со Тончи работиме заедно 20 години, практично. И сите мои песни, ако не сум ги компонирал, се или негови или коавторски. Значи, немаме други соработници што се однесува до компонирањето – рече музичарот и додаде:

– И ние овде функционираме едноставно како близнаци. И многу пати се расправаме затоа што мислам дека неговиот дел од песната е подобар од мојот или обратно. Значи, нема его, на тој начин соработуваме. Уживам да правам музика со него. Сè е во ред, истакна Грашо.