Тајно се венчаа Зуица Лазова и Наум Петрески: Невестата блесна во бела венчаница (ФОТО)

Наум Петрески и Зуица Лазова важат за еден од најхармоничните парови на македонската естрада. Имено малкумина знаат дека пејачите својата љубов од која се родија ќерката Македонка и синот Стефан ја немаа крунисано со брак.

Но по 16 години заднички живот и две деца парот решил да се венча и како што ексклузивно дознава ММС тие тајно склопиле граѓански брак, а потоа и се венчале.

Како што пренесува горенаведениот медиум, ова се случило пред шест месеци.

Зуица и Наум кои важат за личности што не сакаат премногу да го експонираат јавно својот приватен живот, решиле јавноста да не дознае ниту за венчавката па тоа им го кажале само на најблиските.

Како што пренесува ММС, венчавката се случила летото, во јули а Зуица на фестивалот „Охрид фест“, настапила со венчалниот фустан.

Пејачот претходно 20 години беше во брак со Верче, и од овој брак ги има ќерките Анастасија и Сања со кои е во одлични односи.

Сите четворица имаат наследно талент за музика и ја сакаат убавата песна. Анастасија веќе сите ја знаеме по нејзиниот извонреден глас и талент со кој ја плени публиката.

Оние што ги познаваат Зуица и Наум имаат само пофални зборови и за нив како родители. Ќерката Македонка студира соло пеење а Стефан свири на гитара.

Зуица во едно интервју за Магазин откри дека и Македонка тргнала по патот на своите родители.

„Македонката е веќе на музичка академија има 19 години и е прва година на соло пеење, а Стефан е сѐ уште во основно училиште. Инаку свири на гитара, па ќе видиме дали и тој ќе ја избере музиката.“, кажа Зуица и откри на кој повеќе личат, на неа или на Наум:

„Малку ни се поделени. Македонка повеќе наликува на Наум, но милувам да кажам дека Стефан повеќе личи на мене. Јас сум убедена во тоа“, заврши пејачката.

Фото / Извор ММС – Мама Гламур.мк