Судбоносното “ДА” го кажаа пред 14 години, се венчаа во најлуксузниот ресторан, денес ја живеат својата љубовна бајка- Погледнете како изгледаа Карлеуша и Душко на свадбата

Јелена Карлеуша и Душко Тошиќ се еден од најмистериозните парови а веќе 14 години ја живеат својата љубовна бајка.

Нивната љубовна приказна започна на 28 јуни 2008 година. Јелена Карлеуша тогаш беше во седмиот месец од бременоста, но во венчаницата изгледаше неодоливо.

Без ниту еден вишок килограм, со свежо исончан тен по одморот во Турција Карлеуша изгледаше боженствено.

Пред точно 14 години парот го кажа судбоносното Да.

Иако постојано во медиумите се пишува за нив и нивниот брак е проследен со низа скандали од кои и последниот дека Јелена го претепала Душко и се развела од него сепак тие живеат мирно и се заљубени како и првиот ден.

– Не се разведов и не му удрив шамар на Душко, јас сум нежна жена – ги демантираше Јелена Карлеуша неодамнешните шпекулации за пропаѓање на бракот со поранешната фудбалска ѕвезда. Оваа година е прилично чудна и веројатно најтешка во нивниот заеднички живот, иако по Божиќниот инцидент сите се прашуваат дали воопшто постои тој заеднички живот. Видовдан се уште е премногу важен датум во нивниот календар. Датумот кога си се заколнаа на вечна љубов.

Со пуштена руса коса, шминка и во мини труднички фустан, поп дивата влезе во хотелот „Президент“ во Ковилово и даде сигнал дека може да започнат последните подготовки за нејзината венчавка.

Марија Тарлиќ и Тамара Пауновиќ внимателно поставија свеќи, писта на средината на базенот, а олтарот во облик на срце беше украсен со неколку илјади бели цветови. Јелена уште еднаш ги проверила списоците со гости и искусно го предупредила обезбедувањето.

Во кристалната сала на хотелот, готвачот и менаџерот го комплетираа деталниот план за изгледот на раскошната маса. Садови со мраз, круши полнети со горгонзола и јагоди со спанаќ беа увертира за гастрономска авантура со мајсторски подготвен јастог, мисирка со сос од цреша и телешко месо во егзотичен амбиент. За естетскиот сегмент на прославата беа поставени сребрени и сатенски машнички, а спектаклот го збогатија бели кутии за подароци врзани со свила, свеќници од сребро и кристали, англиски порцелан, ЛЕД екрани, сцена осветлена во стотици бои.

Јелена веќе околу пладне на денот на венчавката го прими шминкерот во претседателскиот апартман каде што престојуваше. Без многу контроверзии решија шминката да ја направат што е можно поприродна, во нежни бои. А фризурата беше како принците од цртаните, во совршена хармонија со фустан обложен со кристали „Сваровски“, тежок пет килограми и украсен со седумнаесет метри бела свила.

Ковилово таа сабота беше центарот на Србија. Воздухот мирисаше на лето, балони светкаа под рефлекторите, а хостесите, уредно држејќи списоци, ги сместуваа гостите на обележаните маси. Со звуците на песната „Pogledi u tami“, Јелена зачекори на црвениот тепих држејќи го за рака нејзиниот татко Драган. Кога се приближуваше до пистата направена во базенот, не можеше да ги сокрие солзите.
Покрај Душко стоел неговиот долгогодишен пријател Миленко Андриќ, додека кум на Јелена бил креаторот Дарко Костиќ. Младоженецот гласно и самоуверено кажа „да“.

Првиот танц беше најромантичното нешто што сме го виделе. Душко со бакнежи ги „пиеше“ солзите на Јелена, додека таа му шепна колку го сака.  Младоженецот остана без кошула, кумовите се качија на столици, гостите се препуштија на танцување… Шампањ течеше како поток.

Кулминација на вжештената атмосфера беше скокањето во базенот, што најхрабрите гости со задоволство го прифатија. Душко во одреден момент се фатил за микрофонот и на својата сакана и го испеал стихот „Girls love diamonds“, а потоа самиот завршил во водата. Забавата траеше до зори, кога и најупорните со тешко срце сфатија дека е време да си одат дома.

 

– Душко е човекот на мојот живот. Тој е се за што потајно сонував – рече тогаш Јелена за Hello магазин.

Од бракот кој трае веќе 14 години, тие имаат две ќерки Атина и Ника. Заедно поминаа низ се, но имаше и многу убави моменти.

Тој и е голема поддршка…

Иако медиумите не ги оставаат на мира, тие се помалку обрнуваат внимание на насловите, и многу ретко демантираат се за што се пишува.

Како што неодамна откри извор за порталот Ексклузива.ба, Јелена деновиве е претежно окупирана со нови песни.

И Душко Тошиќ е посветен на својата работа, бидејќи откако стана фудбалски менаџер вредно работи и договара трансфери на играчи. Иако е новодојденец во овој бизнис, Тошиќ е мирен и речиси никогаш не се нервира, без разлика како оди работата. Од друга страна, Јелена е поинаков тип на личност, перфекционист и постојано се труди да ги помести границите, што често ја прави нервозна и постојано има нови идеи, што и задава голема мака кога се во прашање проектите пред неа. Токму за тоа разговарала и со Душко Тошиќ, кој речиси никогаш не и се меша во работата, вели портал близок до парот за Ексклузива.

– Откако се заедно, Јелена и Душко секогаш си ја вршеле работата онака како што знаат и никогаш не се мешале еден на друг во работата. Меѓутоа, кога Душко забележал колку Јелена дава за албумот што наскоро ќе биде претставен, морал да ја пресече и ја советувал да не се потресува многу. Таа не сака да ги разочара фановите бидејќи веќе најави дека албумот ќе излезе летово, но бидејќи зад сето тоа стои огромен тим на луѓе, тоа не е до неа, многумина не можат да се вклопат и се траеше подолго отколку што планираше. Дополнително, и задава дополнителни главоболки затоа што сака да направи некои преправки на бројните песни кои претходно се отпеани, да направи промени во текстот или аранжманот и да ги препее. Нејзините идеи се навистина мегаломански и во желбата да го понуди само најдоброто, има огромни промени, промени во песните, доаѓаат нови во кои таа препознава хит и потоа некои од веќе снимените отпаѓаат- вели изворот за Ексклузива и објаснува зошто во се се вмешал сопругот на Јелена Душко.

-Кога Душко забележа колку е Јелена под стрес, колку е уморна и оптоварена околу целиот проект „Алфа“, како што ќе се вика албумот на Карлеуша, реши да и предложи како да го намали стресот и помалку да се оптоварува со се. Тој и рекол дека е долгоградена личност и голема ѕвезда, дека и да не излезе албумот летово, сигурно ќе биде добро прифатен и дека публиката ќе го прифати бидејќи чекањето ќе се исплати кога ќе види што се подготвила за нив – вели изворот и раскажува како двајцата почнале да се надополнуваат и во финансиски работи.

– Овој албум и се што ќе го придружува Јелена ќе ја чини илјадници и илјадници евра. Очигледно сумата ќе оди на над половина милион евра. Душко, секако, е запознаен со се уште од моментот кога почнала да работи на албумот. Кога одамна разговарале за тоа, таа му ги презентирала сите идеи, а тој како вистински маж рекол дека е секогаш тука за неа. Навистина го допре тој дел за парите и сега Душко и рече дека треба да биде помалку под стрес, а потоа и повтори дека не гледа причина зошто толку многу размислува за се. Тој би и рекол „што ти е гајле, барем мене ме имаш, не мора да земаш заеми како другите пејачи за да снимиш албум, само биди мирна и не се оптоварувај многу“. Морам да кажам и дека Јелена е една од нашите најплатени ѕвезди кога станува збор за хонорарите, но како што сите знаат, најголем дел од парите од настапот ги троши само на нивно одржување, почнувајќи од стајлингот, продукцијата, танчерите… Затоа, покрај неа која секако успева да одвои пари од огромните хонорари, најголемиот дел од албумите ќе ги финансира самиот Душко.

Јелена не сакаше да ги коментира наводите на изворот.