Сопругата на Слоба Радановиќ објави прва фотографија од бебето: Ова е посебен ден за малиот Дамјан!

Пејачот Слоба Радановиќ неодамна стана татко, а неговата сопруга Јелена Радановиќ на свет донесе момче по име Дамјан.

Слоба поради закажан настап мораше да ја напушти Србија на кратко, а Јелена сега се огласи од семејниот дом во Вишњичка Бања.

Таа објави фотографија од својот син, поточно само од неговата рака, на која посочи дека се породила пред точно седум дена.

– Седум дена и еден час – напиша Јелена.

Да потсетиме, како што објавија медиумите, Слоба платил околу 5.000 евра за породување на Јелена во приватна клиника.

Јелена од породилиштето покажа дека Радановиќ за раѓањето на синот и купил скап часовник, а за момчето купил куп подароци како и количка.

Инаку името Дамјан кое гордите родители му го дадоа на синот води потекло од грчкото име Damianos (грч. Δαμιανος) и е изведено од старогрчкиот збор damao (δαμαω) што значи „да скроти“, кој доаѓа од санскритскиот збор „дам“, што значи „давање“, „оној што дава“.

– Го видов на слики. За малку ќе заплачев, можеби плачев. Прекрасно чувство. Сакам сите да го доживеат ова. Се е во ред, фала богу. Сега одиме да организираме прослава – возбудено рече Слоба, по раѓањето на синот.

Слоба, требаше да присуствува на породувањето, но бидејќи му најдоа бактерија во носот, се откажа за секој случај- изјави мајката на Јелена.

Да потсетиме, и за Јелена и за Слоба ова е втор брак.

Првиот сопруг на Јелена, со кој има две деца, е бизнисменот Игор Марковиќ, кој живее и работи во странство и, како што изјави претходно за медиумите, од самиот почеток ја поддржува романсата меѓу поранешната сопруга и Радановиќ бидејќи најважно за него е дека мајката на неговите деца е среќна и исполнета.