Се смирија Дарко Лазиќ и Марина, ја кријат врската од родителите на Гагиќ- и ветил дека ќе се промени и нема да ја изневерува

Фолкерот Дарко Лазиќ е познат по добриот глас и своите хитови, но на површина секако излезе  скандалозниот приватен живот кој со години не престанува да ја интригира јавноста.

Многу се зборуваше и пишуваше за неговите турбулентни љубовни врски, а дека има тенка линија меѓу љубовта и омразата, потврди извор кој откри дека пејачот ја обновил врската со поранешната свршеница Марина Гагиќ, која не бираше зборови кога зборуваше за Дарко.

Имено, според извор на Ало.рс, Дарко и Марина решиле на љубовта да и дадат уште една шанса, но врската да ја држат во тајност бидејќи тоа не го прифаќаат родителите на Марина.

– По раскинувањето со Барбара Бобак, Дарко многу брзо ја обнови љубовната врска со поранешната свршеница Марина Гагиќ. Заедно се нешто повеќе од еден месец, Дарко се уште живее во Нови Сад, а Марина со заедничкиот син Алексеј е со родителите во Пеќинци – рекол соговорникот на самиот почеток на разговорот, кој посочува дека Гагиќ не лесно ја поднесе разделбата со Дарко со кој ја планираше иднината.

– Марина беше повредена, лута, разочарана… Дарко даваше премалку пари за нивниот син, уживаше во јавна љубов со друга девојка додека таа страдаше. Животот го започна од нула, се врати во Пеќинце со родителите, се мачеше со коментарите од околината… Навистина не и беше лесно – рекол извор кој сакал да остане анонимен, а потоа открил зошто Марина му дала уште една шанса на фолкерот.

– Дарко и ветил дека ќе смени некои работи. Марина е свесна дека е боем, дека нема да се откаже од тој начин на живот, но ја уверил дека повеќе ќе се посвети на неа и на детето и дека нема да ја изневерува. Таа многу го сака Дарко, реши да му даде уште една шанса, но овој пат е внимателна – изјави добро информиран извор додавајќи:

-Семејството на Марина не сака да чуе за Дарко, виделе колку страдала поради неговото однесување и не ја пуштале повторно да го помине истото. Токму затоа Марина тајно се гледа со него, додека не се увери дека тој се променил и дека нема повторно да ја подложи на истото понижување. Планира да го подготви семејството и потоа да ги извести дека официјално се смирила со Лазиќ – заклучил соговорникот.

На овие написи Марина накратко рече:

– Тоа не е точно, немам дополнителен коментар.

Иако не сакаше често да биде во центарот на вниманието Марина Гагиќ често споделуваше цитати на Инстаграм во кои индиректно го прозиваше фолкерот.

„Добар татко не е оној кој заработува многу, туку оној кој не го напушта семејството“, напиша таа неодамна.

Да потсетиме, Марина и Дарко беа на суд поради алиментацијата и старателство над синот.

На второто рочиште дошло до вистинска драма, кога почнале да се расправаат…

„Прва дојде Марина, а Дарко доцнеше. Штом почна рочиштето дојде до несогласувања. Дарко веднаш стана и рече дека нема приходи и дека може да издвојува 25.000 динари месечно за детето, на што се спротивстави другата страна и истакна дека дава двојно повеќе за првото дете и дека не е во ред да ги дели децата“, изјави тогаш извор за српски Телеграф и додаде:

„Дарко стана и рече дека Лорена живее во градот и дека на дете што живее во град му требаат повеќе пари, што тотално ја изреволтира Марина. Таа во своето излагање рече дека е срамно и дека нема да дозволи да го понижуваат нејзиното дете само затоа што живее во село. Дарко стана и рече „Добро, еве, можам да дадам 30.000“ на што таа му врати „не сме на пазар па да се пазариме. Тоа е твое дете““, заклучува изворот.

Марина бараше целосно старателство над детето а тоа го изјави на првото рочиште на кое Дарко не се појави бидејќи беше на патување во Египет со својата нова девојка Барбара поради што рочиштето беше одложено за следниот месец.