Бојана Родиќ, снаата на Гоца Божиновска вчера се породи и на свет донесе здраво момче, на кое му го дадоа името Зоран Шијан.
Гордиот татко, Мирко Шијан, веднаш ја објави оваа среќна вест на социјалните мрежи.
Раѓањето на наследникот се славеше цела ноќ во вилата во Сурчин. Семејствата Шијан и Родиќ собраа околу 150 пријатели и сите се радуваа до доцна во ноќта.
Семејствата направија луксузна и незаборавна забава покрај базенот. Во еден момент додека пејачката ја пееше песната „Little Gentleman“, огномет експлодираше на небото.
Наскоро трубачите пристигнаа на прославата и ја подигнаа атмосферата.
Трубачите ја свиреа „Ѓурѓовден“, а веселбата тогаш кулминираше бидејќи се запалија факелите, а во центарот на вниманието секако беше среќниот татко Мирко, кој во раката држеше два факела.
Потоа Мирко го зеде микрофонот и испрати емотивна порака до Бојана:
– Само да ја поздравам мојата љубов, многу ја сакам. Таа го роди мојот мал живот. Тоа е мојот хајдук – рече Мирко, а гостите го поздравија со аплауз.
Вчера и гордата баба, Гоца Божиновска проговори и откри колку и е „полно срцето“ и како се чувствува денес.
Пејачката не ја криеше среќата, па веднаш објасни како се чувствува.
– Оваа среќа не може да се опише со зборови, не сум при себе. Не можам да дишам колку што ми е полно срцето. Бабина радост, најубава среќа, мојот прв внук. Мојата Бојана ми ја даде најголемата радост, станав баба, нема посреќна личност на светот од мене – изјави Гоца за Телеграф Џетсет.
Гордата баба истакна дека покојниот татко на Мирко, Зоран Шијан, по кого внукот го доби името, сигурно ќе биде горд на својот син.
– Дете на баба, душо, мојот прв внук. Мојот Мирко стана татко, има ли поголема радост? Шијан сигурно би бил многу горд на него – рече Божиновска.
