Гранд продукција престанува да ги емитува своите емисии „Ѕвездите на Гранд“ и „Никогаш не е доцна“!

Поради ден на жалост, „Гранд продукција“ нема да го емитува музичкиот натпревар овој викенд.

„Гранд продукција“ одлучи да го одложи емитувањето на „Ѕвездите на Гранд“, „Никогаш не е доцна“ и „Ѕвездите на Гранд специјал“ поради деновите на жалост кои беа прогласени поради големата трагедија што се случи во основното училиште „Владислав Рибникар“ во Врачар.

Од почит кон сите семејства на загинатите, закажаните програми нема да се емитуваат во сабота и недела во Србија, Босна и Херцеговина, Црна Гора и Македонија, а програмата нема да ја емитува ниту телевизијата Гранд.

Поради невидената трагедија што се случи во Србија, аудициите за „Ѕвездите на Гранд“ закажани за 8, 9 и 10 мај во Ниш, Нови Сад и Белград се одложени до дополнително известување.

Датумите на новото емитување на емисиите на Гранд ќе бидат објавени подоцна на веб-страницата на Гранд телевизија како и на социјалните мрежи.