Кафе муабет
СЕ РАЗВЕДОА ОД БРАЌАТА ЏОГАНИ И СО ГОДИНИ БЕА СКАРАНИ: Поранешните јатрви се смирија- Анабела и Слаѓа блиски како никогаш, еве кој е поводот
Настапија заедно...
Пејачката Анабела Атијас на настап во српската престолнина се појави во провокативно издание, а покрај неа настапи и пејачката Слаѓа Делибашиќ.
Јавноста беше изненадена кога ја виде на сцената поранешната јатрва на Анабела, особено поради тоа што се знае дека не беа во добри односи.
Слаѓа Делибашиќ беше дел од групата „Џогани“ и достигна голема популарност додека Анабела беше дел од групата „Фанки Џи“ која беше една од најпопуларните во 90-тите.
View this post on Instagram
Основачи на популарните групи се браќата Џогани, Гаги и Џоле, а нивните сега поранешни сопруги Анабела и Слаѓа последните години не се во добри односи, па еден неочекуван гест ги изненади сите присутни.
Анабала на својот настап ја покани Слаѓа на сцената и ја пофали за нејзиниот изглед: „Благодарам! Погледнете ги овие 55 години“.
Инаку, Слаѓа во една прилика истакна дека одамна го прекинала контактот со Анабела и Гаги.
-Не се дружам со нив откако се разведов од Џоле. Прекинав контактот со нив, се посветив на себе, на моите деца, кои ги воспитав поинаку. Никогаш не би ги пуштила моите деца да одат во реално шоу, и ако немам што да јадам! Ќерка ми Маринела работи во хотел, и многу убаво пее, но јас никогаш не ја терав, таа одлучи што сака. Отворив градинка за да работат, да имаат нормална работа, да им опстане, да не поминуваат низ ужасни работи и да не бидат дел од шоу-бизнисот, истакна Слаѓа.
Слаѓа Делибашиќ е целосно посветена на приватниот бизнис, приватна градинка која ја води со ќерката Силвија, а како што тврди таа, бизнисот ќе и одел многу подобро доколку не била постојано поврзувана со семејството на поранешниот сопруг.
– Многу ме нервира кога сите нè споменуваат во контекст на семејството Џогани. Се разделивме пред 22 години. Јас сум Делибашиќ, како и татко ми, брат ми и децата. Моите деца ги гледам како Делибашиќ, а не Џогани. Не сакам да правам хаос од сето тоа. Понекогаш се срамам од тоа презиме. Има многу предрасуди кај народот. Градинката што ја отворив да не беше тоа презиме ќе беше полна, полна, ама нашиот народ е таков, додека не запознаеш некој не можеш да судиш. Така им судев на луѓето додека не ги запознав – рече Слаѓа и додаде дека е задоволна од работата на градинката, без разлика на се:
– Петта година е како работиме со градинката. На почетокот беше многу слабо, знаев да дојдам изморена од настап и ги плаќав сите трошоци, плати и придонеси додека не почнеме да работиме и тоа без никаква реклама. Родителите кои дојдоа имаа многу убаво мислење за нас и за работата на нашата градинка. Фала богу градинката полека почна да се полни. Долго време баравме кадар, сега се е феноменално, но ништо не би било без Силвија – заклучила таа за Свет.
Слаѓа живее во прекрасната вила на Лекино брдо од 250 метри квадратни заедно со своите ќерки Силвија и Маринела.
Откако Џоле се разведе од неа, пејачката си ги спакувала работите и ја напуштила куќата, но по законската поделба на имотот се вратила во неа во 2004 година. Музичката двојка заедно изгради уште два имоти во дворот од првите пари што ги заработија од настапот во 1987 година, а Слаѓа сè уште го памети тој настап.
– Бев во шестиот месец од бременоста кога се преселивме во овој крај, парите што ги заработивме заедно ги вложивме во уредување на овој дом, а дел од средствата ни ги позајми татко ми. Уредувавме кат по кат, а Џоле ми дозволи комплетно да го одредам распоредот на собите и детално да ја уредам нивната внатрешност. Бидејќи макотрпно ги заработивме парите од кои ја изградивме куќата, отсекогаш сме знаеле да ја цениме работата и уживаме во малиот рај што го создадовме – изјави таа во една прилика за „Стори“.
Инаку и Анабела не е во добри односи со семејството Џогани. Имено Џоле и Весна не беа поканети ниту на крштевката на Миа, ќерката на Луна Џогани.
Џоле Џогани за прв пат јавно зборуваше за врската со неговата внука Луна Џогани. Тој истакна дека би сакал да биде поблизок со неа но и дека би сакал да ја види малата Миа.
– Не разговарам со Луна, зборувам со Гаги. Со Луна немаме комуникација, освен во некои моменти кога се гледаме на родендени и прослави. Не зборуваме премногу, само „Здраво, како си“. Односите не се расипаа, никогаш не сме разговарале премногу.
-Воопшто не разговарам со Анабела, само со Гаги. Бебето на Луна го видов само на фотографија што ми ја покажа Гаги, секако дека би сакал да ја видам во живо. Нема потреба од никакви караници, сакам да разговараме, да се дружме- изјави Џоле Џогани, а потоа откри дали би дозволил неговата наследничка да влезе во реално шоу.
-Не ја советувам ќерка ми да учествува во реално шоу но ако одлучи, тоа е нејзина одлука – рекол Џоле.
Џоле истакнува дека би сакал да има одлични односи со ќерката на неговиот брат Гаги, а би сакал да ја види и наследничката на Луна, малата Миа.
– Гаги вчера дојде во Белград, беше во Шведска, сестра ми не собира на ручек. Ќерката на Луна ја видов само преку фотографија. Сакам да го видам бебето. Би сакал да разговараме, да се дружиме. Нема причина за никаква кавга – додаде тој на промоцијата на албумот на пејачката Зорана Симеуновиќ.
Инаку неодамна пејачката Анабела Атиас, мајка на Луна Џогани, изјави дека токму нејзиниот поранешен девер, Џоле Џогани е виновен за нејзиниот развод од Гаги Џогани, но и за распадот на групата Funky G.
“Ништо не може да ме повреди повеќе отколку човек кој се откажува од својот брат. Мислам, како, тогаш, што сум му јас нему? Неважна личност. Дека сум заработувала 5.000 евра … Па, му благодарам „ Сè што тој рече, е точно“, иронично рече Анабела, откривајќи дека токму Џогани се обидел покрај презимето да и го земе и името.
” Сето тоа го презедов на себе. Во тој период, за време на разводот и распадот на групата Funky G, сè ми беше одземено – и песните и презимето! Морав да учествувам во „Големиот брат“ да се борам за моето име, што ми го дала мојата мајка и исто така, ме оспоруваа, затоа што јас ја изрекламирав Анабела преку Funky G. Јас првенствено бев девојка на Гаги, затоа формиравме група. Не жалам што Гаги беше мојот сопруг, ниту пак тој се кае за тоа “ рече Анабела и истакна дека токму Џоле Џогани „фрлаше дрвја и камења“ кон неговата внука Луна за време на учеството во првата сезона на шоуто Задруга.
Кога Џoлe се откажа од Луна во „Амиџи шоу“ тој рече:
“Ова дете не е наше дете, не ме прашувајте за неа, имаме свои деца, затоа што тогаш Луна беше губитник, беше омразена, љубовница. Сега се ‘се промени затоа што таа е победник, па тие сакаат да се смират. Но, Луна повеќе не сака затоа што ги немаше кога и беа потребни “, рече таа.
