Кафе муабет
Се породи најбогатата жена на Балканот – му роди четврто дете на шеикот милијардер!
Сите се пресреќни што Рашид пристигна и го направи комплето нивното семејство...
Поранешната манекенка Јелена бин Драи го роди своето четврто дете, а синот го доби името Рашид.
– Раѓањето помина добро. Мајката и бебето се чувствуваат одлично – рекол изворот.
Сите се пресреќни што Рашид пристигна и го направи комплето нивното семејство.
Името е со арапско потекло и има големо значење – на вистинскиот пат, православно, претпазливо.
Да потсетиме, Јелена со години живее во Дубаи, каде што е во брак со шеикот Саид, со кого има четири деца.
Во 2010 година, Јелена и Саид ја добија ќерката Асја, во 2011 година синот Хилал и во 2013 година синот Хамдан, а Јелена сега го роди и четвртото дете синот Рашид.
Патем, во 2003 година, Јелена се сретна со арапскиот бизнисмен Саид Бин Драи, чие богатство се проценува на две милијарди долари. Тие се венчаа во Дубаи во 2008 година, а на свадбата присуствуваа околу 300 гости.
Инаку Јелена пред половина година, во своето големо интервју за магазинот „Hello“ зборуваше дека има голема желба за уште едно дете.
„Ако не послужи среќата, ќе добиеме четврто дете“ – искрено изјави тогаш Јелена на која оваа желба брзо и се оствари.
Кога се омажи за арапскиот бизнисмен многумина ја критикуваа поранешната југословенска мисица дека се омажила заради неговите пари, но како минуваше времето, таа покажа дека богатството го мери исклучиво преку љубовта кон семејството што го изгради со својот сакан сопруг.
Поранешната мисица денес има синџир козметички салони и спа центри „Vanilla By Jelena” и „Chocholate by Jelena”, медицински центар, луксузен хотел, а е и успешна дизајнерка со своја препознатлива модна линија.
Таа во 1998 година беше Мис Југославија, Мис Фотогеничност и Мис интернет. Потоа патот ја води во Милано, а од таму во 2001 година заминува во Дубаи каде станува најбараната манекенка во Обединетите Арапски Емирати.
Кога беше на врвот од својата кариера, преку пријатели ќе го запознае својот сегашен сопруг, арапскиот бизнисмен Саид чие семејство е едно од најмоќните и најбогатите во Емиратите.
