Се породи кралицата на балканските Барбики: Старлетата Ана Кораќ роди син- го крие таткото од очите на јавноста

Старлетата Ана Корaќ се породи пред два дена во строга тајност во приватна клиника и роди момче.

Кораќ се породила со царски рез, кој бил закажан во луксузна приватна клиника.

Ана и нејзиниот син се сместени во посебен луксузен апартман, каде има посебна нега од персоналот кој се грижи за неа и за бебето, дознава „Блиц“.

Инаку, Ана уживаше и се посвети на „бременоста“ цели девет месеци, а неодамна и јавно се огласи.
Таа пред неколку дена го врати својот Инстаграм профил.

– Отворив маркетинг компанија. Имам тим од луѓе со кои ќе правам сериозни кампањи во иднина. Сакам да се посветам на мојот син и на работата на која напорно работев сите овие месеци. Сакам да им се заблагодарам и на медиумите за разбирањето и почитувањето на мојата одлука да ја водам мојата бременост на мир – изјави Ана.

Инаку Ана е блиска пријателка на Сораја која се породи пред околу две недели.нЗа неа се шушка дека има направено голем број естетски зафати бидејќи има голема желба да изгледа како Барбика.

За Кораќ е познато дека ги коригираше носот и очите, бидејќи сака да изгледа како барбика.

Старлетата своето тело го препуштила во рацете на познатиот турски хирург пластичар Селкука Јазан, кој и го препорача нејзината најдобра пријателка, Сораја Вучелиќ.

„Ана постојано наоѓа некои мани на себе, па повторно ги коригираше очите и носот. Нејзина голема желба и е да изгледа како барбика, и таа нема да се откаже, се додека не дојде до посакуваниот ефект“, изјави за порталот „Информер“ извор близок до старлетата.

Според овој извор, а како што пренесува порталот, Кораќ во Истанбул направила уште една корекција на очите, како би ги закосила и би го добила таканаречениот ефект „мачкини очи“. Докторот Јазан е еден од најпознатите „пластичари“ во Турција, а Кораќ неодамна стана заштитно лице за неговата клиника, па затоа последните зафати не ги ни плати.

„Сакам да му се заблагодарам на најдобриот доктор на светот што токму мене ме избра да бидам заштитно лице на најдобрата и најпрестижната клиника во Турција и ширум светот. Ви благодарам на укажаната доверба“, напиша тогаш Ана Кораќ на својот Инстаграм.

Се зборуваше и дека Ана наводно отишла на операција за теснење на струкот каде и биле извадени ребрата, а за тоа „задоволство“ платила дури 7.000 евра, а сега со серија нови фотографии во златен фустан покажа колку совршено изгледа нејзиното тело.

– Ана отсекогаш сакала да има бујни облини и тенок струк, а еден од мотивите за влез во реалното шоу беше да заработи пари за бројни козметички зафати.

Најмногу заштеди за операцијата на стеснување на струкот, па затоа отпатува во Турција, на клиниката каде работи еден од најдобрите хирурзи за естетика – изјави за „Ало“ извор близок до Ана и објасни:

– Лекарот кој ја оперираше е долгогодишен соработник на Ана, па не беше изненаден од нејзиното барање за тенкиот струк.Не се плашеше, па целосно му се предаде и веруваше дека ќе го постигне резултатот што го посакува. Нејзината желба беше обемот на струкот да биде помал околу пет сантиметри.

– Ниту еден лекар во Србија не изведува ваков вид на операција, поради што Ана се одлучи за Турција.

Еден од најпознатите хирурзи го отстрани последниот пар ребра, а операцијата беше извршена под тотална анестезија.

Закрепнувањето траеше околу две недели, а оваа интервенција чинеше 7.000 евра.

Таа беше во Истанбул за време на постоперативното закрепнување, и успеа да сокрие сè од јавноста, бидејќи во тој период не објави ништо на социјалните мрежи – откри изворот.