Работи на кои треба да го научите детето пред да започне со училиште!

Додека за некои крајот на август беше резервиран за одмор, за родителите ова време беше исполнето со учебници, тетратки, пенкала, торби и нова облека за децата.

Почетокот на училиште е особено стресен за родителите чие дете штотуку започнува прво одделение во основно училиште и сигурни сме дека дел од нервозата доаѓа од фактот што не се сигурни дали нивното дете е подготвено за училиште.

Психологот Аманда Гамер за The Sun сумираше неколку основни работи што детето треба да ги знае пред да оди на училиште кои ќе му го олеснат целиот процес на детето, но во никој случај не ги гледајте како задолжителни упатства бидејќи секое дете е различно.

За да го направите почетокот на училиштето полесен за вас но и за детето д -р Гамер советува да ги научите децата како самите да звршуваат одреден обврски.

Таа советува дека децата кои започнуваат во училиште треба да знаат да делат.

Д -р Гамер наведува дека детето на часови повеќе не е само и ако има способност да споделува работи, да чека на ред и да ги пренесе своите чувства, ќе му биде многу полесно да се вклопи и да научи нови работи.

„На детето ќе му биде полесно да воспостави нови пријателства и повеќе ќе ужива во самото училиште,“ додава Аманда.

Играта не е само забава за детето, туку и одличен начин за подобрување на социјалните, когнитивните и физичките способности. Преку игра, на децата ќе им биде полесно да воспостават нови пријателства. Особено корисни се игрите во кои децата треба да соработуваат за да постигнат заедничка цел.

Детето треба да знае да се фокусира на зададената задача. Иако тоа може да биде голем предизвик, сепак не е невозможно. Други шарени работи може да го привлечат вниманието на детето, но со загатки и сложувалки може да се даде основата за фокусирање. Откако ќе научат да се фокусираат на една работа, ќе им биде полесно да ги поминат првите неколку години од образованието.

Откако детето ќе започне со училиште, ќе треба да следи едноставни упатства како што се да седи на работна маса или облекува јакна. Одличен начин да го научите детето да ги следи основните команди е преку играта „Симон вели“ или ако заедно подготвувате едноставен десерт.

Самостојно одење во тоалет е од голема важност.

„Колку повеќе деца знаат да одат во тоалет и да ја одржуваат основната хигиена, толку повеќе време ќе има за остатокот од класот да учи и да се забавува“, забележува д -р Гамер. Фактот дека знае да направи нешто што го прават „големите девојки и момчиња“ е одлично за самодовербата на детето.

Самостојно листање на кнгата е од големо значење. Ако имате дом полн со книги, вашето дете ќе научи како да ужива во нив и како да ги држи и прелистува. На овој начин, исто така, ќе ја разбудите љубовта на детето за читање и ќе го олесните процесот во кој тој учи како треба да чита, пишува и учи. Листањето низ книга или сликовница го поттикнува когнитивниот и креативниот развој на детето и одлична идеја е да побарате од детето да создаде своја приказна врз основа на илустрациите што ги гледа.

д-р Гамер забележува дека детето кое знае само да облече јакна и чевли има многу повеќе време за играње на училиште, но исто така им дава до знаење на своите наставници дека е независен, а за возврат ќе има поголема самодоверба. На таквите деца обично им се даваат улоги на водач на класот уште од рана возраст.

Откако детето ќе започне со училиште, ќе мора да го напишете неговото име на многу тетратки, книги, чанти, па дури и облека. Ако детето може да го препознае своето име на овие предмети, помала е веројатноста да ги изгуби и ќе им биде полесно кога ќе им треба. Важно е да се напомене дека тоа не значи дека треба целосно да го научите детето да чита.