Прв пат се огласи Душко по гласините дека се разведува од Карлеуша: Нема да верувате што кажа- ОВА Е ЦЕЛАТА ВИСТИНА ЗА НИВНИОТ БРАК!

Поранешниот фудбалер Душко Тошиќ и сопруг на Јелена Карлеуша, се огласи преку својот адвокат Никола Премовиќ.

Тоа е она од што поп дивата најмногу и се плашеше. Имено таа често пати давајќи изјава истакнува дека не би сакала да зборува за Душко за да не си направи проблем со неговиот адвокат.

-Поради последните изјави на Јелена Карлеуша за Душко Тошиќ во претходните денови, а по налог и во име на мојот клиент Душко Тошиќ, принуден сум да објавам јавна објава! Душко Тошиќ е некој кој во текот на целата своја кариера, како почитуван спортист и поранешен репрезентативец, избегнува јавно да се експонира, особено кога станува збор за брачни и семејни работи. Повторуваме дека преговорите за меѓусебниот развод на Душко Тошиќ и Јелена Карлеуша се уште траат, а еден од договорите со адвокатите на Јелена бил ниту една страна да не се огласува за брачни и семејни работи, додека преговорите за заеднички развод се во тек – рече адвокатот Премовиќ за српскиот Курир :

– Душко Тошиќ го почитува тој договор, додека Јелена со последните изјави во јавноста го прекршува постигнатиот договор и не оддалечува од мирно и консензуално решение на ситуацијата. Апелираме до Јелена Карлеуша за мирно решение, во иднина да се воздржува од јавни соопштенија за Душко Тошиќ, разводот и семејните работи и посочуваме дека секогаш кога ќе го стори тоа, ќе се огласиме јавно, истакна адвокатот на Душко.

Во новогодишното интервју за телевизија Курир, на самиот крај на 2022 година, Јелена си ја отвори душата и искрено проговори за својот брак.

– Не сме разведени, се уште живееме во четири ѕида, а времето ќе покаже се повеќе од тоа. Во 2023 година би сакала Душко да го промени начинот на размислување, почитувајќи ја и сакајќи ја мајката на своите деца – признала ЈК и додала:

– Верувам дека сè уште сме во брак бидејќи јас како дете на разведени родители секогаш се плашев од колапс и распад на семејството. Би го доживеала тоа како неуспех. Поради Атина и Ника, сакам да имаат чувство за заедница и семејство што е можно подолго, бидејќи тоа е многу важно. За жал, Душко го нема тој порив и чувство во себе, откри Јелена.

Имено таа не крие дека секогаш патела поради тоа што е дете на разведени родители па една од причините поради која не се одлучи за развод е токму тоа Атина и Ника да не бидат деца на разведени родители.

-Ме изнервира Душко Тошиќ, па морав да го казнам со еден пост, но не се разведовме. На хартија, не се разведовме и се уште живееме во иста куќа. Oдносот е специфичен, не знам како да се изразам без пак да ми се јави неговиот адвокат. Жално е што дури и го спомнувам неговиот адвокат, но ќе кажам една голема вистина и ќе ставам точка. Животот на Душко нема смисла без мене. Тоа е една голема вистина. Тој не постои без мене. Сè уште живееме многу убаво со нашите деца во нашите четири ѕида. Мама и тато не функционираат. Ова е тажната приказна на секој втор брачен пар во Србија. Бракот како институција пропаѓа пред се поради машкото непочитување кон жената, тоа за жал е голема вистина – рече Карлеуша.

– Кога станува збор за таткото, тоа е фигура која мора да постои. Тоа е една од причините зошто мојот брак со Душко трае и опстојува. Не сакам моите деца да бидат деца на разведени родители – изјави Јелена Карлеуша.