Прв Божиќ заедно Васил сподели интимни фотографии- еве како прославија со својот партнер, за овој детал сите зборуваат

Македонскиот баритон Васил Гарванлиев веќе извесен период живее во Чикаго. Тој вчера на својот Фејбук профил објави фотографии и покажа како го поминал овој Божиќ.

Имено судејќи според насмевката на неговото лице Васил е и повеќе од среќен во присуство на својот партнер Џејсон и пријателите.

Васил откри дека организирале пижама забава а тоа го сподели и со своите следбеници на социјалните мрежи.

Ова е прва година Васил и Џејсон да го прослават Божиќ заедно откако ја официјализираа врската. Тој со една фотографија која ја сподели откри дека се вериле а малку подоцна почна да се шпекулира дека се венчале.

-Совршен почеток на крајот на годината заокружувајќи неверојатна година. Љубов. Смеа. Семејство. Музика. Радост. Ви посакувам на сите здрави празници и нова година, напиша Васил во описот на фотографиите..

Македонскиот пејач кој постигна неверојатен успех во Америка не крие дека е многу среќен покрај својот избраник.

Васил неодамна во интервју за Женски Магазин откри дека откако се заљубил во Џејсон кој е американски невропсихолог, решил да остане во Чикаго.

-Дојдов со намера да снимам албум, љубовта тропна на вратата, и сега секое утро се будам во Чикаго насмеан и опкружен со три весели кучиња. Главни ангажмани пред да почнам со настапи ми се часовите по пеење со професор од Париз, конечно помагам на млади таленти со многу потенцијал дури и една две од Македонија – како вокал „коуч“, и ги спремам проектите за следните 3-5 години.

За партнерот Џејсон во интервју за Женски магазин истакна дека е пред се скромна личност и успешен невропсихолог.

Она што особено ја интересира јавноста е тоа како семејството на Васил го прифати неговото момче, Џејсон и како тие реагирале на нивната љубовна приказна и одлуката тој да остане во Америка.

За споменатиот медиум, Васил откри дека неговата мајка пред извесно време била во посета и цели две недели поминала во нивниот дом па така имала и можност да го запознае Џејсон.

– Поминавме прекрасни две недели заедно тука во нашиот дом. Последната реченица ѝ беше: „Заминувам полна, среќна, и мирна зошто ја живееш бајката за која сонувам цел живот и не е лажна туку искрена и полна со компатибилност, разбирање, и љубов“. Негувајте се. Нема нешто поубаво. Мајка ми брат ми и моите најблиски роднини и пријатели секогаш ми биле столб на поддршка во сите дадени ситуации. Благодарен сум им бескрајно што ги имам, рече Васил за Женски Магазин.