По две години, сепак, се вратија во Лондон: Принцот Хари и Меган Маркл тајно ја посетија кралицата

Британскиот принц Хари и неговата сопруга Меган во четвртокот се сретнаа лице в лице со кралицата Елизабета, изјави неговиот портпарол откако весникот Сан ја објави посетата.

Портпаролот рече дека двојката застанала во Обединетото Кралство на пат кон Хаг каде што ќе присуствуваат на игрите Invictus, додавајќи дека Хари претходно изјавил дека се надева дека ќе се види со својата баба.

Бакингемската палата одби да коментира за оваа средба.

Сан објави дека Хари и Меган го виделе и принцот Чарлс за време на посетата на замокот Виндзор, што беше нивно прво заедничко патување во Британија откако ги напуштија кралските должности во март 2020 година.

Хари, кој се пресели во САД со Меган, ја пропушти комеморацијата која се одржа минатиот месец во чест на неговиот дедо, принцот Филип, војводата од Единбург, кој почина во април минатата година.

Неговото отсуство дојде по несогласувањата со британската влада околу безбедносната заштита за време на неговиот престој во Британија.

Кралицата, која ќе наполни 96 години овој месец, страда од проблеми со движењето и не присуствуваше на годишната миса на Велики четврток во капелата Св. Џорџ во замокот Виндзор. Таа исто така, нема да присуствува на неделната велигденска миса во Виндзор.

Инаку неодамна кралскиот експерт Нил Шон, го обвини братот на Хари, Вилијам поради тоа што малата Лилибет Дијана се уште не е крстена.

Наводно крштевањето на второто дете на Хари и Меган било уште една причина за несогласување меѓу војводите од Сасекс и кралското семејство: тие сакале да ја однесат својата ќерка во Англија, но принцот Вилијам не дозволил.

„Лилибет Дијана требаше да се крсти во Обединетото Кралство: родителите сакаа да го прослават светиот чин во капелата „Свети Џорџ од Виндзор“ каде што се венчаа самите. Но, некој се спротивстави на идејата Лили да се крсти во Англија“.

„Вилијам во основа стави вето. Но, тоа не беше добра идеја. Шон потенцира дека ако Хари и Меган беа задоволни, работите меѓу Сасекс и кралското семејство ќе се одвиваа многу поинаку: крштевањето на Лили во Виндзор ќе ги вратеше Хари и Меган во Англија, ќе го принудеше целото семејство да се соочи меѓусебе и некако – веројатно – ќе ги смиреше духовите, разгорени од интервјуто-бомба што кралската двојка ѝ го даде на Опра Винфри неколку месеци пред раѓањето на детето“.

„Хари се чувствува напуштен од семејството: секој пат кога му треба нешто, тие не се таму“.