Пејачката прозборе за врската со својот колега: Откри детали за љубовта!

Александра Младеновиќ повторно е среќно вљубена и не симнува насмевка од лицето, а за тоа е заслужен нејзиниот колега Исак Шабановиќ.

Пејачката на големо задоволство на обожавателите сега откри нови детали за нивната врска.

– Убаво е, уживаме во љубовта. Тој дојде на мој настап и мислам дека прв ме забележа. Не обрнав внимание веднаш, па почнавме да се гледаме подоцна. Тој е многу срамежлив, но јас не бев првата што му пријде. Сè дојде спонтано – изјави Александра и додаде:

-Не ги запознав неговите родители, ги видов преку видео повик. Мама го запозна затоа што често е со мене и сега ме задеваат заедно.

Александра откри и што ја привлекло кај Исак, велејќи дека тој некако се истакнувал меѓу бројните додворувачи.

– Ме привлече неговата душа и искреност. Тој е внимателен, а денес е реткост да се најде таков човек – изјавила пејачката, пренесува Блиц.

Црногорскиот пејач со адреса во Белград, Исак Шабановиќ, минатогодишниот учесник во „Ѕвездите на Гранд“, за порталот „Аваз“ потврди дека е во врска со пејачката Александра Младеновиќ.

– Така е, јас и Александра сме во врска два месеци. Се обидовме да ја скриеме нашата љубов од очите на јавноста, но бидејќи и двајцата се занимаваме со музика и сме јавни личности, не успеавме. Можам само да кажам дека ни е убаво и дека уживаме во љубовта – призна Шабановиќ.

Минатата година Шабановиќ го освои второто место во „Ѕвездите на Гранд“, а Александра се прослави во 2015 година, со учество на популарниот музички натпревар.

Александра Младеновиќ претходно беше и во љубовна врска со синот на Шабан Шаулиќ.
Како што пишуваа регионалните медиуми, тие ставиле крај на врската која им траела само неколку месеци и прекинале секаков контакт.

Иако нивните пријатели наводно веруваа дека тоа е само криза и дека парот ќе се смири сепак патиштата им се разделија.

– Времето им покажа дека размислувањата и ставовите им се разликуваат, и по неколку месеци одличија да стават крај на врската. Сметаа дека најдобро за двајцата е да останат некое време сами, па да видат дали оддалечувањето ќе ги зближи и повторно да бидат заедно или сепак ќе прекинат секаков контакт, изјави тогаш близок пријател на парот за медиумите.

Младеновиќ во едно од своите последни интервјуа призна дека во исто време кога се обидувала да се пробие во светот на музиката работела и на нива, но и дека на почетокот од кариерата настапувала и за само 500 денари.

„Точно е. Некогаш пеев и гратис за моите пријатели, роднини, сограѓани и кога бев на почетокот од кариерата. Тогаш 1000 денари, кога имав само 11 години, беа многу пари, изјави Александра во своето интервју. Таа зборуваше отворено и за пластичната хирургија и призна дека досега направила само една естетска операција, а на прашањето дали некогаш и се случила непријатна ситуација со гостите одговори негативно и додаде дека се случувало некогаш луѓето да бидат груби и безобразни, но и дека е таква нивната професија.

Александра е родена во Житораѓа, истото место од кое што е и Цеца. На прашањето дали понекогаш навистина може да собере бакшиш кој е поголем и од десет просечни плати, и тоа за само една вечер, таа го кажа следново:

„Што се однесува до мене – да. Може да се заработи и тоа многу добро, но прво мора и многу добро да се вложи“, одговори убавата пејачка на прашањето.