Неизвесна судбината на “Ѕвездите на Гранд”: Саша Поповиќ крие- не сака да признае дека Жика Јакшиќ го изигра!

Судбината на најгледаната шоу програма „Ѕвездите на Гранд“ се уште е под знак прашалник.

Овој формат се емитуваше на “Телевизија Прва” во последните пет години, но нивниот договор истекува на крајот на октомври, а се уште не се знае каде ќе продолжи да се прикажува.

Како што дознава Курир, во игра е и РТС, иако се уште траат разговорите со челниците на Телевизија Прва и Пинк.

Компанијата под чие покровителство работи „Гранд“ сака емисијата да продолжи да се емитува во својот временски рок, во сабота во 21:00 часот, на телевизија со национална фреквенција. Тие неодамна испратија понуда до Јавниот сервис, а дали воопшто ќе има преговори зависи од одлуката на директорот на РТС Драган Бујошевиќ.

– Сопствениците на „Гранд“ на секој начин се трудат да останат на телевизија со национална фреквенција, па понудата ја испратија до сите радиодифузери, вклучително и РТС. Тие прво отидоа кај Жељко Митровиќ на Пинк, ја претставија својата понуда и се чека неговиот одговор. Точно е дека Поповиќ не учествува во неа, бидејќи тој веќе не е сопственик или директор на продукција, туку надворешен соработник на оваа емисија – вели извор за српскиот Курир.

– Што се однесува до РТС, тие се уште немаат одговорено на бизнис предлогот што им го испрати „Гранд“.

Да бидам искрен, многумина не веруваат дека ќе успеат да се договорат, бидејќи концептот на „Ѕвездите на Гранд“ не се вклопува во нивната деловна политика. Но, кој знае, на крајот се е можно. Она што знам е дека во пакет ги понудија „Ѕвездите на Гранд“ и „Никад није касно“, но со оглед на тоа што емисијата на Драгана Катиќ и Саша Жика Јакшиќ продолжи да се емитува на телевизија Прва, сега се одлучува само за најгледаниот проект „Гранд“ – рече соговорникот.

Аудициите завршиле…

Иако во тамошните медиуми најпрво се појавија информации дека постои можност новата сезона од популарното натпреварување „Ѕвездите на Гранд“ да не се снима, сепак неодамна беше откриено дека аудицијата завршила и снимањето е започнато на 26-ти септември.

-Што се однесува до тоа каде ќе се емитуваме, тоа го одлучуваат исклучиво новите сопственици и јас веќе немам ништо со тоа. Нема да има промена во составот на жирито, сите сме тука како и лани. Поздрав од сончевата Опатија – изјави Поповиќ за „Блиц“.

Жирито, кое минатата година работеше со кандидатите и ги освои срцата на публиката, и овој пат ќе ги заземе своите места.

Цеца Ражнатовиќ, Ана Бекута, Вики Миљковиќ, Марија Шерифовиќ, Снежана Ѓуришиќ, Ѓорѓе Давид и Драган Стојковиќ -Босанац како и досега ќе изберат нова музичка ѕвезда.

Исто така, заврши и аудицијата за нови и стари кандидати.

Инаку пред извесно време во јавноста излезе веста дека токму поради новата сезона на „Ѕвездите на Гранд“ Саша Поповиќ се скарал со Жика Јакшиќ.

Музичкиот натпревар „Ѕвездите на Гранд“ постои од 2003 година. Многу учесници на ова натпреварување се познати поп имиња на денешницата, како Милица Павловиќ, Милица Тодоровиќ, Александра Пријовиќ, Дарко Лазиќ и други. Емисијата прво се емитуваше во Србија на „Пинк“, а потоа и на „Прва“.

Договорот со Прва, очигледно, истекува, а Саша Поповиќ почнал да преговара каде ќе се емитува новата сезона од ова музичко натпреварување, додека медиумите шпекулираат дека е можно да се врати на Пинк.

„Ѕвездите на Гранд“ постојат речиси две децении и сето тоа време бележат одлични резултати. Ваквата неизвесност околу стартот на новата сезона на „Ѕвездите на Гранд“ доведе и до нарушување на односите меѓу некогашните блиски соработници Саша Поповиќ и Жика Јакшиќ кои наводно станале уште полоши.
Имено, емисијата „Никад није касно“ наводно добила ударен термин на телевизија Прва. Проектот на Жика Јакшиќ интензивно се снима, а новата сезона на малите екрани започна овој викенд, во временскиот дел кој „до вчера“ беше резервиран за „Ѕвездите на Гранд“, пишува Објектив.

Сето тоа наводно ја разнишало врската меѓу Саша Поповиќ и Жика Јакшиќ, а двајцата тешко дека ќе си подадат рака кога ќе се сретнат некаде.

– Саша е нервозен што сè уште не започнало снимањето, а се уште нема договор за продолжување на преносот. Колегите му се јавуваа последниве неколку дена и го прашуваа кога ќе продолжи со работа, а тој дополнително беше изнервиран од сознанието дека ќе се емитува друга емисија за време на неговиот временски период. Превземањето на ударниот термин Сале го смета како Жика да му заби нож во грб – вели извор близок до „Гранд продукција“.

Дека односите меѓу Поповиќ и Јакшиќ не се на завидно ниво, претходно потврди и Жика, кој од 2003 година беше еден од продуцентите и главни уредници на емисијата „Ѕвездите на Гранд“ и по чија идеја „Гранд“ направи вистинско шоу, се разликуваше во деловното размислување со тогашните сопственици на продукцијата Саша и Брена уште во 2014 година.