На 45 години Петар Грашо ќе стане татко: Хана Хулуќ е бремена- парот го очекува своето прво дете!

31 годишната девојка на Петар Грашо е бремена и парот го очекува своето прво дете.

Приновата треба да пристигне на почетокот на летото, а пред извесно време во медиумите беше обелоденета и информацијата дека парот планира венчавка која треба да се случи во март,  кога и Грашо слави роденден.

Веста ја потврди и самата Хана откако почнаа да кружат гласини за породувањето.

„Информациите се точни, среќни сме и возбудени, но ништо друго не би коментирала, би сакала некои работи да останат наша приватност“, изјави Хана за Јутарњи лист, наведувајќи дека е бремена околу 12 недели.

На крајот на минатата година се шпекулираше дека парот планира свадба, а потоа се пишуваше дека Хана веќе знаела кој ќе ја дизајнира нејзината венчаница.

Двојката пред неколку дена беше видена како се шета по западниот брег на Сплит во друштво на мајката на Хана, Вјекослава Хуљиќ, и изгледаа среќни и добро расположени.

“Ние сме многу среќни и задоволни. Така треба да биде. Со Хана ни е многу добро и ние сме среќни”, изјави неодамна пејачот во едно интервју.

„Ние ги живееме нашите животи и важно е луѓето околу нас да бидат задоволни и сите да бидат спокојни“, додаде тој.

Потсетуваме дека за нивната врска се дозна во октомври минатата година.

45-годишниот пејач и 14-години помладата Хана во 2016 година соработуваа на песната Heart for a Guide, а Грашо со години е многу близок со нејзините родители кои не кријат дека ја поддржуваат нивната врска.

Грашо пред да биде во врска со Хана, 24 години беше во врска со Данијела Мартиновиќ.

Иако и двајцата се трудат да ја задржат максимално својата интимност за себе, не престануваат да бидат топ тема во медиумите откако се дозна дека станале пар.

Во едно минатогодишно интервју Грашо рече:

“Јас и Хана си ги живееме животите пристојно, не споделуваме приватни детали со јавноста. Важно ни е луѓето околу нас да бидат задоволни и сите да бидат смирени,”. објасни музичарот.

Петар за прв пат јавно потврди дека двајцата се заедно, но не откри премногу детали. На прашањето како е Хана, тој одговори: „Многу сме среќни и задоволни и така треба да биде. Хана е многу добро и ние сме среќни“.

Имено јавноста долго ја чекаше и изјавата на неговата поранешна девојка Данијела Мартиновиќ по повод раскинувањето.

По неколкумесечен молк се огласи Даниела Мартиновиќ која реши да ги прекине гласините и да ги открие вистинските причини за разделбата од Грашо.

– Не можете да го избегнете моментот кој е неизбежен – беше искрена пејачка за хрватското издание на „Глорија“

Додаде и дека врската со Петар ја гледа како „убаво минато“.