Лејла Рамковска пресреќна, соопшти убави вести: Ми се оствари сонот, време беше да застанам на едно место

Сите ја знаете Лејла Рамковска како ќерка на Велија Рамковски и една од сопственичките на А1 телевизија.

Некогаш лесно им подлегнувала на неуспесите, лесно се откажувала, но одлучила целосно да го промени својот начин на живот.

Една од „главите“ на некогашната А1 телевизија беше и Лејла Рамковска а по затварањето на телевизијата се посвети на сосема поинаква професија со која се занимава и ден денес.

Лејла Рамковска е една од најпознатите инструктори по Аштанга јога во Македонија.

До нејзината 30-та година никогаш претходно не вежбала, но забележала дека нема ниту сила ниту пак е флексибилна. Почнала со едноставни движења и пози, а до овој стадиум до кој е сега дошла полека со текот на времето.

Упорноста и постојаноста за неа се клучни во ова работа.

Скромна, смирена, не многу зборлеста, Лејла не сака да се експонира во јавноста, единствено ја промовира својата професија.

Сега таа сподели убави вести и на своите следбеници на Фејсбук им соопшти дека конечно после шест години и се исполнила најголемата желба.

-На земја сум ама лебдам. Момент на “сонот стана реалност”. Долго чекавте да си отворам свое студио и вие, а јас си имав замисла и не сакав да излезам од неа… едно 6 години држев часови на разни прекрасни локации. Време беше да застанам на едно место. Дали вредеше, ќе видите и сами @club8.mk е мој, твој, наш клуб на дружење и вежбање. Ова е твоето безбедно место, каде можеш да се опуштиш и да бидеш ти,ТИ. Со часови почнуваме од наредна недела. Утре објавувам програма, напиша Лејла на својот фејсбук профил.

Во едно интервју за нашиот портал, Лејла истакна дека јогата за неа го претставува мирот.

-Искрено, можам многу да зборувам на оваа тема, меѓутоа првиот збор што ми паѓа на памет, што за мене претставува јогата е мирот. Второ е љубов и сочуство кон самите себе. Бенефитот е генерално подобрување на психо-физичката состојба во секое поле.

-Се чувствувам како да сум се уште на почеток меѓутоа уживам во секој стадиум и постојано учам нешто ново. Од почетно ниво, со самото тоа што се чувствуваме подобро, немаме болки на вратот и грбот… Постигнуваме баланс помеѓу силата и флексибилноста. Со тренинг на нашиот ум и тело стекнуваме целосно присуство на свесноста, а со тоа и самодоверба и верба. И тоа на крај придонесува да имаме подобро здравје, но и подобар надворешен изглед, секако, бидејќи нашето чувство и смиреност одвнатре се манифестира и рефлектира и надвор.

Лејла тргна по својот пат и доста напредуваше во професијата која за неа живот начин. Токму јогата ја има извлечено во најтешките моменти.

За неа јогата прво претставува мир, потоа љубов и сочувство кон себеси.

Јогата ни дава виталност и енергија, поголема сила, стекнување флексибилност што значи младост, тонирани мускули, а ни обезбедува и заштита од повреди. И тоа се само дел од бенефитите од вежбањето, вели Рамковска.