Карлеуша во Барби издание го “запали” Нови Сад- што ли ќе каже сега Душко?! (ФОТО)

Поп- дивата Јелена Карлеуша дефинитивно е број еден кога станува збор за стајлинг и сценски настапи. Секогаш е уникатна, знае како да го привлече вниманието на јавноста и за неа да се зборува со денови.

Било да е тоа со костимите што ги носи на концертите или настап таа не може да остане незабележана.

Меѓутоа, овој пат отиде чекор подалеку кога на настап во Нови Сад се облече целосно во розово, па многумина ги потсети на Барби.

Клубот во кој пееше Јелена беше преполн, судејќи по видеата кои ги објави на својот Инстаграм профил.

Но, тоа не ги изненади нејзините фанови. Кога Карлеуша излезе на сцената настана општ хаос поради нејзиниот аутфит.

Јелена беше цела во розово, почнувајќи од костимот во кој до израз дојдоа нејзините гради, преку чорапите, чевлите со високи потпетици и ракавиците.

Пред настапот таа позираше пред новинарите а со пуштената руса коса и комбинацијата со розова боја, многумина ги потсети на Барби.

Иако многумина тоа и го кажаа, Јелена рече дека не ја копира познатата кукла, туку дека Барби ја копира неа.

– Барби сака да биде јас – напишала под фотографијата што ја објавила и предизвика низа коментари.

Јелена во неколку наврати истакнуваше дека токму поради нејзината енергија, уникатност и цврст карактер мажите тешко се справувале со неа.

Често истакнуваше и дека сè што јавноста знае за неа всушност не е вистина. Дека приватно е многу поинаква, понежна и како што самата вели „досадна личност“.

Поп дивата во едно емотивно интервју откри детали за себе кои малкумина ги знаеле, спомнувајќи го нејзиниот сопруг Душко Тошиќ.

-Кога реков дека мажот мора да е лажен, мислев дека никогаш не смее да ги покажува своите вистински бои, своето вистинско лице. Моето вистинско лице е сето она за што јавноста на Балканот не ни сонува. Никој навистина не ме познава. Единствената што ме познаваше беше мајка ми, можеби моите деца, а не мојот сопруг. Јас, всушност, сум измамник на шоубизот. Бидејќи сè што мислат луѓето за мене, не е така. Извртена слика на жена која мораше да биде пет пати подобра од сите други за да има шанса воопшто. И тогаш се претвора во трка со самата себе, опсесија со его. Сликата што беше испратена за мене не е добра – искрена беше Јелена.

Меѓутоа, во едно големо интервју таа откри дека ниту еден маж никогаш не ја заштитил од вербални напади, вклучително и нејзиниот сопруг Душко Тошиќ, со кој е во процес на развод.

– Ниту еден човек никогаш не ме заштитил, вклучително и мојот. Секогаш ме навредуваа, ме понижуваа, а никој не помисли да ме брани како жена. Одбрана доживеав само од жени. И благодарам за тоа. Како општество ја нагласуваме борбата против насилството врз жените. Па зошто тоа не се применува кога се работи и за мене – рече Јелена и додаде:

– Кој ќе го преживее тоа што го преживеав јас, веќе не чувствува болка, удари, понижување, или тага… Чувствува само желба да преживее и многу често за одмазда, за жал – искрена беше Јелена.