Има Даунов синдром и големи соништа: Се појави на модната недела во Њујорк и го воодушеви модниот свет

14- годишната Моника Мајерс од Канада е една од првите манекенки со Даунов синдром.

Таа пред светот докажа дека Даунов синдром не е пречка за исполнување на соништата и среќен живот.

Исто така, Моника е потсетник за сите родители да веруваат во своите деца и никогаш да не ги ограничуваат, бидејќи и за нив небото е граница.

Иако никогаш не можеше да замисли дека ќе се појави на модната писта, таа го оствари својот сон и се качи на сцената на престижната модна недела во Њујорк.

Како што вели, кога излегла на пистата се чувствувала храбро и убаво.

– Пријателите не можеа да поверуваат кога ме видоа во прекрасен фустан, со надградени трепки и фризура – изјави Моника по ревијата.

Нејзината мајка Стефани ја придружуваше на ревијата и призна дека се расплакала кога ја видела ќерка си на модната писта.

– Не ни сонував дека може да го направи тоа, ме направи толку горда. Од најрана возраст сакаше се што е поврзано со фризурата, шминката и фустаните. Секогаш славевме се што прави и ја ценевме, а таа никогаш не се двоумеше да застане пред камера.

-Последниве години инспирација наоѓаше кај манекенките со Даунов синдром и тоа ја поттикна да почне да се занимава и самата со манекенство, изјави мајката на Моника.

Нејзината кариера тргна во нагорна линија, а тоа го докажува и ревијата на која беше модел, а многумина и предвидуваат светла кариера.

Примерот на Моника не е единствен и тоа е добро бидејќи може да се каже дека проработе свеста кај модните компании. Она што исто така изненади многумина е порториканската манекенка Софија Јирау влезе во историјата како првата личност со Даунов синдром што се појавила во еден од најпознатите светски брендови Victoria’s Secret.

24-годишната девојка беше претставена во новата кампања за колекцијата долна облека Love Cloud.

-Сонував дека еден ден ќе се случи, работев напорно на тоа и денес тој сон се оствари и конечно можам да ја откријам мојата тајна. Јас сум првиот модел на Викторија Сикрет со Даунов синдром, напиша Софија на Инстаграм.

Јирау дебитираше како модел на модната недела во Њујорк пред две години.

-Мојата манекенска работа во САД беше почеток на мојот сон: одење по најважните писти во светот. За мене најважно е да им покажам на луѓето ширум светот дека нема граници и да ги инспирирам да ги следат своите соништа, напиша Јирау на својата страница.

Во 2019 година, таа лансираше и своја линија на облека и модни додатоци, кои ги нарече „I like It“.
Кампањата доаѓа откако Victoria’s Secret минатата година објави голема ревизија на својот бренд.

Имено, брендот со години трпи критики од застапниците кои инсистираат на различност на телото. Овој бренд инаку е познат по високите и слаби „ангели“.

„Колекцијата Love Cloud е важен момент во еволуцијата на брендот“, рече Раул Мартинез, новиот креативен директор на брендот, во соопштението за печатот.

Уште на почетокот многумина беа воодушевени од појавата на Софија, која е храбра млада девојка што има за цел да ги сруши сите предрасуди и да им покаже на луѓето како неа дека може да се успее во сонот само доколку вистински се сака.

– Родена сум за ова и сакам да му покажам на светот како секој модел треба да блесне – напиша таа на социјалните мрежи.

Софија е среќно заљубена и често објавува фотографии со нејзиното момче на социјалните мрежи…