Имаше 230 килограми, се преполови и сега изгледа неверојатно- ова момче целосно се трансформираше!

34 годишниот Стивен Висоцки од Америка со својата инспиративна приказна стана вирален хит на Твитер.

Имено на споменатата социјална мрежа тој објави фотографии и покажа колку се променил за период од три години.

Од исклучително дебел човек, тој стана момче со извајано тело а неговата трансформација ги интересираше и новинарите на порталот за машко здравје. Висоцки им откри како успеал, но и што довело до сериозна дебелина.

– Почнав да добивам вишок килограми во основно училиште. Немав пријатели, а другите деца беа немилосрдни кон мене. Тие честопати ме погледнуваа исмевајќи ме па затоа почнав да се тешам со храна. И, во исто време, немав претстава дека едноставно ќе се здебелам толку многу – рече тој во воведот и продолжи:

– Да, беше тешко во основно училиште, но во средното училиште стана уште потешко. Моите соученици беа уште позлобни, а мојата навика да јадам брза храна целосно ме обземаше. Јас дури и не знам колку бев тежок тогаш, но носев облека 3XL.

– Во моите позрели години, сфатив што правам, се обидов да го оставам тоа зад себе, да престанам да се прејадувам, но воопшто не успеав. Станав многу депресивен и продолжив да барам утеха во катастрофалната диета. Се обидов, вежбав, држев диети, но нешто секогаш ме враќаше на почетокот.

– Така беше и во 2018 година по раскинувањето со девојката. Веднаш штом почнав да забележувам напредок, се вратив на стариот начин на живот. Постигнав тежина од дури 230 килограми, веќе ја немаше таа вага на која точно можев да се измерам – истакна Висоцки и откри кој го спасил:

– Тоа беше мојот најдобар пријател Даниел. Буквално ме влечеше во теретана, буквално. Имаше денови кога не ми дозволуваа да одам таму, беше тешко, но почнав да се присилувам. Одев горе-долу, но ќе се вратев.

– Се сеќавам на првите денови во теретана. Ќе изгубев здив по само пет минути, на моменти ми се чинеше дека ќе ум0рам, но конечно фатив ритам и се фокусирав на подобра диета. Исфрлив сокови, и брза храна.

– Јас дури и не користев личен тренер за време на процесот, дизајнирав програма инспирирана од советите што ги најдов на ЈуТјуб. Значи, до крајот на 2019 година, јас веќе изгубив 45 килограми, а денес имам 120 килограми, скоро половина помалку.

Точно, за време на пандемијата не беше можно да се оди во спортски сали, но најдов замена за други активности, како што е џогирање. Телото повеќе не ме боли, можам да одам без страдања, подобро се справувам со стресот секој ден, имам далеку поголема самодоверба и никогаш не сум бил посреќен во животот – заклучи тој и ги посоветува другите:

– Ако јас успеав, можеш и ти. Тоа е половина од битката, да се започне. Бев еден од најмрзеливите луѓе на светот, но штом си поставив цел, не знаев како да запрам.