Животната приказна на маркантниот актер од серијата „Неверство“- жените полудеа по него а еве што мисли тој за неверството!

41 годишниот заводник, актерот кој играше една од главните улоги во серијата „Неверство“ Чанер Чиндорук за кратко време стана миленик на жените.

Тој е вистински доказ дека главната улога може да се освои дури и ако личноста не е сензација која постојано се појавува во медиумите.

Впечатливиот турски актер има армија обожаватели и 1,2 милиони следбеници на Инстаграм кои со нетрпение ја очекуваат секоја негова објава.

Во „Неверство“ тој ја игра улогата на Волкан Арслан, навидум совршен семеен човек. Сепак, идилата во која, барем изгледаше среќен со сопругата Асја, паѓа во вода кога таа ќе најде руса коса на неговиот шал.
Русата коса и припаѓа на Дерин, младата жена со која има афера, а Волкан чувствува дека ги сака двете жени. Тој ја гледа Асија како свое семејство, а Дерин како љубов. И нема намера да се откаже од семејството, но нема ни храброст да раскине со Дерин.

Во реалниот живот, 41-годишниот човек се опишува себеси како феминист. Тој е вистински џентлмен, одмерен и внимателен. Тој всушност е целосна спротивност од заводникот кој го глумеше во хит серијата.
За себе вели дека имал тешко детство. Израснал во Адана, мултикултурно место, од кое, како што вели, и самиот имал корист бидејќи Адана е богат и сиромашен и многу образован и многу необразован град.

Зад него е тешко детство во кое татко, инаку писател, не можел доволно да заработи од пишувањето за своите три сина. Затоа почнал да заработува пари за семејството продавајќи на тезга, а за да му помогне  со него почнал да работи и Чанер.

Продавале папучи, балони, играчки…

-Да се ​​продаде нешто кога си мало дете треба да имаш вештна. Тоа ми помогна да ја запознаам улицата уште на рана возраст, изјави актерот во едно интервју, а часовите поминати во стоење на тезга и размислување за сè што сака и не сака го направија ова што е денес.

Замислувал што може да биде кога ќе порасне па така актерството му влегло во животот благодарение на неговиот вујко кој работел во театар.

Благодарение на него на 17 години почнав професионално да глумам во градскиот театар. Тогаш таа работа ми се претвори во љубов, изјави тој во едно интервју.

Кога се запишал на Факултетот за менаџмент, се запишува и во театарскиот клуб и се запознал со експерименталниот театар.

– Тоа ме хранеше. Глумев и режирав претстави. На 27 години бев заглавен во Анкара во еден момент. Убедив тројца пријатели и се упативме кон Истанбул, се присети актерот во едно интервју.

За себе, веќе споменавме, вели дека е феминист. Тој смета дека жените треба да имаат поголеми улоги во животот и да се ослободат. На прашањето зошто кариерата не ја развива врз основа на физичкиот изглед, тој одговара дека е вака среќен.

Во неколку наврати зборуваше и за верноста, односно неверството, што е и тема на серијата во која глуми. Не би простил неверство, но ја признава можноста некој во врска да се заљуби во друга личност. Во тој случај признавањето го смета за почесен потег.

– Сите ние сме луѓе. Но, ако тоа го прави тајно, ако, што е најважно, не е искрена, тоа значи дека штотуку сме им подлегнале на страстите, објасни тој. Самиот, вели дека бил неверен, а потоа се покајал.

– Мислам дека тоа се случува кога ќе исчезнат чувствата или кога двајца луѓе кои се во врска ќе се отуѓат… Но, тоа не го оправдува направеното. Мислам дека прво треба да ја прекинете врската, а потоа да започнете нова, ако сакате, одговори тој во едно интервју на прашањето во кој момент мажот заборава на разумот и им подлегнува на страстите.

– Љубовта не се разбира, нема равенка. Доживувате нешто што не личи на сите други и кое се менува секој пат. За да ја разберам таа формула, би бил филозоф, рече овој актер,

– Не осудувам никого, но јас сум таков. Понекогаш сме премногу понесени од симболичните работи кои се вртат околу нашето име, но не треба да ни недостига животот и промените, треба да бидеме искрени. Можеби затоа луѓето ме сакаат – искреност. Пред многу години реков дека сакам да остарам како Тунџел Куртиз. Сега сакам да умрам како Тунџел Куртиз. Нека одлучи времето дали сум направил добро или не, заклучи тој.