Душко никогаш не беше маж со вистински манири: Карлеуша удри по сопругот и ја изненади јавноста, ова никој не го знаеше за нивниот брак

Почетокот на нивната љубовна приказна е раскажан многупати досега. Дека Душко ги исполни детските соништа кога првпат ја бакна Карлеуша тоа е факт.

Со оглед на тоа што неговата соба беше украсена со постери од Јелена, доволно е да се каже дека тој бил луд по неа уште пред да бидат заедно.

– Таа е вистинска лавица, но во моите прегратки мачка што преде – изјави Тошиќ за Глорија на почетокот на нивната врска. Од секој негов збор можеше да се претпостави дека поранешниот фудбалер е луд по атрактивната пејачка, а доказ за тоа се и деталите од нивната прва средба.

– Кога дојде, прво ми ја бакна раката. Има прекрасни манири и е вистински џентлмен. Во неговите очи веднаш видов колку е заљубен во мене и тоа ме воодушеви. Мислам дека ретко која жена ќе одолее на комплиментите и изливите на нежност што тој умее да ги даде – откри во една прилика Јелена за gloria.rs.

Но работите изгледа се променија кога тие стапија во брак и кога ги добија двете ќерки Атина и Ника.

Душко стана еден од најплатените српски фудбалери а Карлеуша само редеше успеси.

Но пејачката често истакнуваше дека сè што јавноста знае за неа всушност не е вистина. Дека приватно е многу поинаква, понежна и како што самата вели „досадна личност“. Поп дивата своевремено во едно емотивно интервју откри детали за себе кои малкумина ги знаеле, спомнувајќи го нејзиниот сопруг Душко Тошиќ.

-Кога реков дека мажот мора да е лажен, мислев дека никогаш не смее да ги покажува своите вистински бои, своето вистинско лице. Моето вистинско лице е сето она за што јавноста не ни сонува. Никој навистина не ме познава. Единствената што ме познаваше беше мајка ми, можеби моите деца, а не мојот сопруг. Јас, всушност, сум измамник на шоубизот. Бидејќи сè што мислат луѓето за мене, не е така. Извртена слика на жена која мораше да биде пет пати подобра од сите други за да има шанса воопшто. И тогаш се претвора во трка со самиот себе, опсесија со его. Сликата што беше испратена за мене не е добра – искрена беше Јелена.

Меѓутоа, во едно големо интервју таа откри дека ниту еден маж никогаш не ја заштитил од вербални напади, вклучително и нејзиниот сопруг Душко Тошиќ, со кој е во процес на развод.

– Ниту еден човек никогаш не ме заштитил, вклучително и мојот. Секогаш ме навредуваа, ме понижуваа, а никој не помисли да ме брани како жена. Одбрана доживеав само од жени. И благодарам за тоа. Како општество ја нагласуваме борбата против насилството врз жените. Па зошто тоа не се применува кога се работи за мене – рече Јелена и додаде:

– Кој ќе преживее тоа што сум јас, веќе не чувствува болка, удари, понижување, или тага… Чувствува само желба да преживее и многу често за одмазда, за жал – искрена беше Јелена.