Документот е потпишан: Прва објава на Душко Тошиќ по семејната драма со Карлеуша!

Официјално истече забраната за приближување која Душко Тошиќ ја доби откако на Божиќ се расправаше со сопругата Јелена Карлеуша. Сепак, одлуката на Душко Тошиќ да се врати дома шокираше многумина.

Имено, Душко се уште не пристигнал во вилата на Дедиње, а не е познато дали веќе разговарал со сопругата.

Она што се знае сепак е дека хартијата е потпишана, поради што поранешниот фудбалер е неизмерно среќен. Не, не станува збор за документи за развод, туку за уште еден успешен трансфер и потпишан договор, за кој посредуваше Душко.

Душко објави фотографија со унгарскиот фудбалер Кевин Варга, кој благодарение на посредништвото на Душко играше во Касимпаша.

Одлуката на Душко Тошиќ е да го стави фокусот на работа во овие турбулентни времиња, а како ќе се развиваат работите по неговото враќање во Србија, останува да видиме.

Инаку пред три дена на Душко му истече забраната со која не смееше да и се приближува на сопругата Јелена Карлеуша која го пријавила за семејно насилство за Божиќ.

Душко прво доби забрана од 48 часа, а потоа Првото основно јавно обвинителство во Белград предложи забраната да биде продолжена за 30 дена.

Според „Курир“, судот го прифатил предлогот за истекување на забраната за пристап, а сега се чека извештајот на Центарот за социјална работа и изјавата на оштетената.

Имено, Карлеуша тогаш го пријавила Душко бидејќи фудбалерот наводно и удрил шлаканица и ја плукнал во лице, а тој тоа во својата изјава го демантираше.

Да потсетиме, полицијата по пријавата на пејачката отишла во нејзиниот дом, а таа одбила да оди на преглед во здравствената установа и одбила да оди во полициска станица да даде изјава.
Наведената мерка на Тошиќ му е изречена согласно Законот за спречување на семејно насилство.

-Почитувани следбеници, пријатели и членови на медиумите. Обично не сакам вака да се обраќам бидејќи сметам дека моето име, лик и дело треба да се поврзани исклучиво со спортската приказна и добрите хуманитарни дела. Го следев она што повеќето медиуми го објавуваат последниве денови и затоа сум принуден да се огласам на овој начин. Како што знаете и гледате, секаде ме прикажуваат како насилник и во секој наслов сум негативна страна. Јас сум првиот од оние кои не поддржуваат насилство и никогаш не сум го употребил. Затоа сакав да знаете дека воопшто не се пронаоѓам во тие наслови на весниците! Луѓето кои ме познаваат знаат дека сум човек кој секогаш се труди да биде џентлмен каде и да е и што и да прави. Затоа би сакал да знаете дека овој пат ќе останам доследен на себе, ќе игнорирам измислици и ќе чекам да помине овој ветер против мене, изјави Душко по скандалот.