Гледаше фудбал со пријателите додека јас се пораѓав – го кажав на свекрвата и еве што направи таа!

Ми пукна водењакот, а тој беше во куќата на еден пријател и гледаше фудбал. Му се јавив и му реков да дојде дома затоа што треба итно да ме одведат во болница. Тој рече дека доаѓа, но не дојде, вака ја започнува својата приказна една анонимна мајка.

Оваа мајка која се породи пред 10 недели се пожали на Редит дека нејзиниот сопруг не бил со неа кога се породила, како и деновите пред породувањето. Тој дури и не ја однесе во болница затоа што гледаше натпревар со пријателите.

Еве го нејзиното признание:

– Поминував низ исцрпувачки период додека се приближував до последната недела до породување. Се чувствував непријатно. Сакав мојот сопруг да биде покрај мене кога ќе одев да се породам, но тој излегуваше секоја вечер, се дружеше со пријателите и гледаше натпревари- напиша анонимна мајка и додаде дека таа разговарала со него за тоа, па дури и му предложила да гледа фудбал дома за да биде со неа, но безуспешно.

– Кога тој и неговите пријатели гледаат фудбалски натпревар, тие на посебен начин го направат тоа. Тие дури одат дотаму што гледањето фудбал го нарекуваат „ритуал“. Гледањето фудбал за него дома или на друго место не е исто како да гледаш со пријателите – додаде таа.

Фактот што неговата сопруга беше во последниот месец од бременоста не го спречи да излезе.

– Ноќта кога се роди нашиот син и кога ми пукна Водењакот, тој беше со пријателите и го гледаше натпреварот.

Му се јавив и му реков да дојде дома бидејќи треба да ме одведе во болница. Рече дека доаѓа, но не дојде – откри таа и додаде дека на крајот медицинската сестра ја однела во болница.

– Мојот сопруг се појави два часа подоцна. Успеа да пристигне во моментот кога се роди синот, но јас бев бесна на него, лута и разочарана. Тој се извини длабоко и направи се за да ја врати мојата доверба и почит. Инаку, тој силно ме поддржува и е вклучен во грижата за нашиот син – рече таа.

Таа, исто така, раскажа како на семеен ручек пред неговата мајка излажал како всушност ја однел во болница.

– Се збунив и ја кажав вистината. Потоа мајка му му одржа лекција. Подоцна се налути на мене и рече дека јас го направив лош сопруг и татко пред неговото семејство и дека направив јаз меѓу нив. Му реков дека не е во ред да лажеш и да глуми херој пред неговите родители – таа раскажа што се случило и побара совет од корисниците на Reddit дали добро сторила што го „изневерила“ својот сопруг пред неговите родители.

Корисниците на Reddit најчесто коментираа дека таа добро се снајде и дека нејзиниот сопруг ја заслужува секоја критика што ја добива, пишува cafem.