БИЛЈАНА ГИНОВА КОЈА СЕ ВАКЦИНИРАШЕ ВО СРБИЈА ИСПРАТИ МОЌНА ПОРАКА: Ова што го направи Србија, не можеше ниту ЕУ ниту нашата Влада!

„Ниту нашата земја ниту ЕУ не се во можност да спроведат мерки за заштита на луѓето од Западна Европа од пандемијата на коронавирус. За среќа, ова го прави Србија“, напиша Билјана Гинова од Македонија, која беше една од десетиците илјади странци примени во Србија за вакцинација.

Меѓу странците кои се пријавиле за вакцинирање во соседна Србија, најголем број се од Босна и Херцеговина, Северна Македонија и Црна Гора, изјави претседателот на трговската комора на Србија, Марко Чадеж, кој на 27 март го посети Центарот „БелЕкспо“ во Белград, каде се вакцинираа граѓани од регионот.

Дека сè помина добро, покажува и фактот што многумина веднаш се огласија на социјалните мрежи и ја пофалија, како што велат, „хуманитарната помош“ од Србија, која помогна на многумина кои сакаат да се вакцинираат а таква можност немаат во сопствената земја.

Ова што Србија го прави за земјите од регионот е класична хуманитарна помош. Ниту нашите влади ниту ЕУ не успеваат да спроведат соодветни мерки за заштита на животот на луѓето во Западен Балкан.

Тоа го прави Србија, и го прави многу добро! Јас од срце се заблагодарувам за оваа солидарност која ја сведочиме деновиве со која се придонесува за спас на илјадници животи!, напиша Билјана на својот Фејсбук профил.

На социјалните мрежи се огласија и многу други граѓани со слични пораки за пофалба за лекарите, здравствените работници и сите оние кои не живеат со своите семејства и дење и ноќе поминуваат време на пунктовите за вакцинација.

Покрај странците, медиумите во регионот со ентузијазам пишуваат и за одлуката на Владата на Србија да овозможи вакцинирање на граѓаните на БиХ, Црна Гора, Северна Македонија и Хрватска.

Многумина упатија критики кон сопствените влади, иако донекаде срамежливо и индиректно, признаваат дека со овој потег, Србија повторно се наметна како лидер во регионот и како земја која, и покрај сè, има најголемо влијание во регионот.