Кафе муабет
БЕА СИНОНИМ ЗА ВИСТИНСКА ЉУБОВ: На нивната љубовна приказна завидуваше цела Југославија, се љубеа од првиот до последниот момент!
За нивната љубов се уште се зборува
Љубовната приказна на легендарните актери, Милена Дравиќ и Драган Николиќ започнува токму со филмот.
Двајцата се запознале на снимање на филмот Хороскоп во 1969 година а две години подоцна двојката ја круниса својата љубов со брак кој траеше повеќе од 40 години.
View this post on Instagram
„Кога и пријдов, имав впечаток дека таа е моја стара школска пријателка што одамна не сум ја видел или девојка од крајот што ја познавав цел живот. Токму тоа е нејзината вистинска величина. Таа ме освои со својата непосредност и нормалност, и покрај големата популарност во која веќе уживаше во тоа време. Можеше да се однесува како што сака и никој да не ја обвинува, бидејќи во тоа време веќе беше една од нашите најголеми sвезди. Тоа е нешто што плени и освојува “, рече Николиќ во едно интервју за Стори.
Љубовната приказна помеѓу Милена Дравиќ и Драган Николиќ беше и останува една од оние за кои зборуваше цела Југославија.
Нивната голема љубов не успеаа да ја уништат ниту приказните за кратки љубовни афери Довербата во човечките и уметничките квалитети на својот сопруг и обратно, е всушност силата со која тие успеале да бидат над слабостите и тешкотиите .
„Секогаш мора да има толеранција и разбирање, а потоа и сè друго. За брак кој трае повеќе од 30 години, може да се најдат повеќе причини да му се стави крај отколку да опстане. Мислам дека најлесно е да пресечеш нешто и да го завршиш, а многу е потешко да се бориш. Понекогаш дури и мала кавга може да го освежи денот. Понекогаш е потребно да се биде љубоморен затоа што тоа е исто така еден од индикаторите за љубов, само што јас не го покажував тоа. Што се однесува до нашите кавги, Милена секогаш беше погласна, но и простуваше побрзо “, изјави Драган Николиќ во интервју за„ Стори “.
Милена и Драган се венчаа во 1971 година без многу помпа, за време на паузата на снимањето на филмот „Како се љубеа двајца будали“.
Весниците беа преполни со веста за нивната љубов. Беа речиси на секоја насловна страница, а се додека сmrtta не ги раздели, за нив и нивната љубов не можеше да се прочита дека се соочуваат со проблеми.
Пред неколку дена навршија две години од сmrtта дивата на српскиот театар, Милена Дравиќ, па во нејзина чест актерите се присетија на парот. Многумина знаат да кажат дека во нив гледале родители.
По тешко боледување актерот почinа во март 2016 година, а тие две години самотија биле најтешки за Милена.
„Имав голема поддршка во животот од мојот сопруг. Многу убави работи ми се случија благодарение на него.Драган е сè уште тука за мене. Ми недостасува, да му се насмевнам, да му го вратам погледот и да му намигнувам “, изјави Милена пред две години за списанието„ Глори “.
Брачната двојка живеела скромен живот, а многумина кои ги познаваат знаат да кажат дека уживале во мали нешта. Нивни пријатели и познаници велат дека биле широкогради и дека имале големо срце поради што станаа омилени меѓу публиката.
Еден настан од нивниот живот многумина не го знаат, а сведочи какви луѓе навистина биле.
Се зборува за една случка, кога парот во време на најголемата криза собирал пари за нов автомобил, стариот не можеле да го запалат, па често и го туркале. Кога успеале да ги соберат парите тргнале да бараат замена за својот дотраен голф, па потоа се предомислиле. Милена и Драган на телевизија виделе прилог за дете на кого му требала голема сума на пари за итна операција на очите.
– На нив им треба точно толку пари колку што ние имаме дома. Море што ќе ни е нов автомобил“, ѝ рекол Драган на Милена.
Набрзо се појавиле на вратата од домот на момчето и му ги дале парите потребни за операцијата, а родителите останале зачудени од оваа необична посета.
Актерите немаа деца, но во една прилика изјавија дека тоа повеќе ги споило.
Можеби и малкумина знаат дека Милена Дравиќ соработувала и со Бред Пит. Имено, филмот „Темната страна на сонцето“ бил големиот првенец на Бред Пит.
Неподвижната мајка на Бред Пит во филмот ја глумела Милена Дравиќ, а Горица Поповиќ била нивната куќна помошничка.
