Цеца: Сакам да мирисам на добар парфем, а не на запршка!

Цеца Ражнатовиќ, која моментално ужива во среќна врска со Богдан Срејовиќ, истакнува дека според неа не е правило дека жената мора да знае да готви.

Како што објасни таа, верува дека денес секој може да се омажи, но дека е успех да се одржи бракот, а тоа не се постигнува со поминување часови во кујна.

– Сакам да мирисам на добар парфем, а не на запршка. Тоа што жената знае добро да завитка сарма и да зготви грав, не ги дефинира женските квалитети. Денеска секој може да стапи во брак, но важно е да се негува и одржува тој брак, а тоа секако не се прави со пржено месо и мрсна супа – изјавила Цеца чија мајка ја научила на се, но признава дека тоа не се работи во кои ужива.

-Мајка ми инсистираше јас и Лидија да научиме се на време, но сега би излажала ако кажам дека го правам тоа. Не уживам, ниту ме интересира. Да се ​​разбереме, да морам, секако дека би. Ништо од тоа не ми е туѓо, туку едноставно, имам избор – изјави неодамна таа.

Цеца откри како изгледа животот во вилата Ражнатовиќ на Дедиње.

– Јас и Лидија, како и нашите деца сме многу блиски. Ние сме големо и компактно семејство кое живее заедно и така функционираме со години. Не е важно дали мама или тета се таму во моментот кога треба да се донесе одлука. Моите деца функционираат на ист начин. Овде се е спонтано и опуштено – изјавила пејачката.

Инаку Цеца откри кој е заслужен за празничната трпеза во нејзината луксузна вила!

Кога ќе осамне божиќното утро, во домот на Светлана Цеца Ражнатовиќ владее вистинска радост. Како што открива пејачката тој ден е резервиран за семејството и традицијата, кој како и досега ќе го поминат со најблиските.

“Ние навистина го почитуваме тоа. Никогаш не работам на големи празници, оставам слободни денови за семејни моменти, добар ручек и вечера, како што е договорено. Најважно е да си поминеме добро”, изјави Цеца за grand.online.

Во согласност со празничната атмосфера, неизбежен е моментот на размена на подароци, што предизвикува посебна радост кај пејачката.

„Се е по обичаи и ред. Некои и по причест, кога ќе се вратиме од храмот отвораат подароци, а некои заспиваат и дури го чекаат утрото. Работата е вниманието, не е вреден толку подарокот. Тоа е прашање на внимание, не е важно колку е материјално вредно. Се работи за почестување, радување, понекогаш има духовити подароци и шеги погодни за празникот. Тоа е добра форма на семејна забава и атмосфера“, објасни таа.

По постот, сите сакаат да уживаат во храната за Божиќ, а подготовката на празничната трпеза таа им ја препушти на оние кои се подобри во тоа во кујната.

„За сето тоа е задолжена сестра ми. Не се мешам многу, затоа што тоа што не го знаете оставете го на оние што го знаат. Не е тешко да се научи, но кога некој го знае подобро, јас се поклонувам, кажувам секоја чест и благодарам и среќна сум поради тоа“, искрена беше Цеца.