Бебе
Тежеше само 420 грама, се роди 132 дена пред терминот- ја доби најголемата битка и влезе во Гинис!
Кертис имал брат близнак, но тој не успеал да преживее...
Oва момче од Алабама е вистински мал борец. Малиот Кертис Минс роден е на 10 ноември а тежел само 420 грама кога неговата мајка се породила по само 21 недела, пренесува „NBC News“.
![](https://mama.glamur.mk/wp-content/uploads/2021/11/curtis-means.jpg)
Воедно Кертис беше запишан во Гинисовата книга на рекорди и стана најраното дете родено во светот кое преживеало.
Момчето е родено 132 дена пред терминот за породување.
![](https://mama.glamur.mk/wp-content/uploads/2021/11/дфстраф.png)
Кертис имал брат близнак, но тој не успеал да преживее.
Доктор Брајан Симс од болницата во која е родено момчето вели дека статистиката не дава буквално никакви шанси за преживување на децата родени толку рано, но Кертис ги демантираше сите статистички веројатности.
![](https://mama.glamur.mk/wp-content/uploads/2021/11/256334297_5028210860542145_7222631235775333686_n.jpg)
„Вообичаено во такви ситуации децата им ги даваме на родителите да ги држат и да уживаат во она малку време што го имаат со нив“, вели Симс.
Кертис ги изненади сите, а секој ден се повеќе напредуваше. По 275 дена бил пуштен од болница. Сепак, при хранењето сè уште му е потребна помош од експерти.
![](https://mama.glamur.mk/wp-content/uploads/2021/11/фсгхбкфдс.png)
„Никогаш нема да го заборавам моментот кога го однесовме Кертис дома за да го запознаат постарите браќа“, рекла мајката Мишел Батлер.
![](https://mama.glamur.mk/wp-content/uploads/2021/11/атљте.png)
„Не знаеме што ќе се случи со Кертис во иднина, бидејќи тој е различен од првиот ден и нема никој како него. Тој ја пишува својата приказна од првиот ден, која многумина ќе ја следат и која се надеваме дека ќе помогне да се подобри здравствената заштита за недоносени деца“, рекла мајката.
![](https://mama.glamur.mk/wp-content/uploads/2021/11/дфстрафтеѕгхе.png)
За само еден ден Кертис го поништи претходниот Гинисов рекорд кој еден месец го држеше Ричард Хачинсон од Висконсин.