ТАТКОТО НА 8 ГОДИШНАТА БЛОГЕРКА КОЈА ИМА МОМЧЕ ШОКИРАН: “Не знаев за врската на ќерка ми”- мајката пак со благослов за врската!

Скандалозната врска меѓу осумгодишната инфлуенсерка од Киев, Милана Маханец и 13-годишниот Паша Паи со денови ја тресе јавноста.

И покрај тоа што се премлади „двојката“ ги споделува своите романтични моменти на Интернет, како фотографии на кои се гушкаат и се бакнуваат, па дури и спијат заедно. Случајот крена уште поголема прашина поради сознанието дека мајката на Милана, Дарја Маханец ја поддржува нивната врска и помага да се создадат содржини за социјалните мрежи. Нејзиниот поранешен сопруг, од кого се разведе во 2019 година, е шокиран од овие настани и тврди дека тој дури и не знаел за „врската“ на неговата ќерка.

По бурната реакција од јавноста, полицијата започна истрага за односот на децата и во моментов ги проверува сите информации.
По скандалот, многу фотографии со 13-годишното момче исчезнаа од профилот на Инстаграм на малата блогерка.

По реакциите на светската јавност, отстранети се сликите на кои Милана го прегрнува и бакнува своето момче, но и оние во кои позирала во несоодветна гардероба и со силна и за нејзините години несоодветна шминка.

Според украинските медиуми, полицијата започнала истрага, а родителите на Милана и Паша биле повикани на распит.

Микола Кулеба, комесар на претседателот за правата на децата, се пожали до обвинителството, сајбер полицијата и Министерството за внатрешни работи за односот помеѓу осумгодишната Милана и 13-годишниот Паша, по што девојчето му се обрати лично преку социјалната мрежа Инстаграм.

Девојчето истакна дека се надева дека детскиот правобранител навистина се бори за правда.

– Добар ден. Може ли да се сретнеме и да разговараме сериозно? – напиша малата инфлуенсерка  на Инстаграм.

Потоа ги повика своите придружници да испратат коментари до народниот правобранител во знак на „поддршка за Милана и Паша“.

Детски психолози забележуваат дека однесувањето на осумгодишното дете не одговара на возрасните карактеристики на развојот и дека таа воопшто не се однесува според нејзината возраст.

– Нивната врска е само пријателска – тврди Дарја Маханец, нејзината мајка во неодамнешното телевизиско интервју.

Мајката исто така негира дека децата спијат во ист кревет, но тврди дека тие само се фотографираат во тие пози.

Жената додаде дека тоа биле само „детски бакнежи“ помеѓу Милана и Паша, кои биле целосно невини и биле премногу сериозно сфатени.

Таткото не знаел што се случува!

И покрај нивната млада возраст, „двојката“ ги споделува своите романтични моменти: одење во кино, состаноци, бакнежи, па дури и како спијат заедно.

– Синоќа спиевме само два часа и сега се исклучуваме – призна девојчето.

Александар Маханец, таткото на Милана, изјави дека е шокиран од она што се случува со неговото дете.

Тој се разведе од мајката на Милана во 2019 година. Таткото на малата инфлуенсерка тврди дека по разводот се обидува да комуницира со својата ќерка и да и помогне. Во исто време, тој не сака да зборува за неговата поранешна сопруга.

– Сега сум шокиран од она што се случува. Ова е сè, благо речено, погрешно – нагласи таткото на Милана.