Се породи пред четири месеци а сега е во третиот месец од бременоста и го очекува второто дете- Познатата пејачка мета на критики- “Ќе ти се распадне телото”

Српската пејачка Марија Микиќ неодамна ја шокираше јавноста кога соопшти дека е бремена по втор пат, иако со ќерката Ѓурѓа се породи пред само четири месеци.

Таа стана мајка во јули годинава, а веќе е во третиот месец од втората бременост.

– Ѓурѓа сега има четири месеци, а јас сум бремена во трет месец, чудо сме на медицината. Не бев подготвена, не ми ни падна на памет, додека не почнав да ја разгледувам ситуацијата и да разговарам со луѓето околу мене. Нема да бидам обична мајка која си ја размазува ќерката единица па после неколку години ќе има уште едно дете. За нас тоа не е нормално, но Господ ви го дава само она што можете да го поднесете, било да е убаво или лошо – изјави Микиќ за порталот Blic.rs.

И самата Марија која сама себе се нарече “медицинско чудо”, призна дека ова било изненадување за неа и за нејзиниот избраник Јован, но дека од друга страна, нема поголема среќа.

„Толку се мачевме да ја добиеме Ѓурѓа, колку лекови пиев, имаше и лоши работи, подеми и падови, што навистина не очекував дека така лесно ќе забременам по втор пат.

Веројатно тој горе виде колку добро се снаоѓаме па си рече -дај им уште едно. Ама Господ на сите им дава колку што можат да издржат. Знам дека можеме. Не сум нервозна, но многу сум реална и знам дека ќе биде многу тешко со две бебиња, но ние сме подготвени за тоа бидејќи нема поголема среќа“, изјави таа за „Пинк.рс“.

И додека среќните родители уживаат во овој подарок на судбината, фановите не се баш воодушевени од оваа вест.

Имено, Марија се соочи со многу негативни коментари на социјалните мрежи. Многумина тврдат дека пејачката брзала и дека не е „нормално“ ниту здраво да забремени толку брзо по породувањето.

„Дали телото не треба да се одмори, да се регенерира малку? Ќе се распадне до 40-та година“, „Забременила со второто дете додека била бремена со првото“, „Мила, не е добро за твоето здравје“, се само дел од коментарите на интернет.

Иако е јасно дека нема правила, гинеколог за Жена Блиц одговори колку треба да се чека за проширување на семејството по породувањето.

“Се советува интервалот помеѓу бременостите да не биде пократок од една година, иако период од 2 години би бил идеален. Неопходно е телото на жената целосно да се опорави од претходната бременост и породувањето, таа е активна околу бебето цел ден“, посочува д-р Александра Костиќ, гинеколог-ендокринолог за споменатиот портал.

Таа посочи дека сексуалните односи треба да почекаат 6-8 недели по породувањето, односно кога ќе зараснат повредите настанати при породувањето и кога ќе престане крварењето.

Меѓутоа, најчесто животот не ни прашува што е „нормално“, ниту се одвива според нашите планови, а камоли очекувањата на другите, па бременоста и дојде како благослов на Марија.

Таа истакна дека не и е грижа за коментарите, бидејќи само таа и нејзиниот вереник Јован знаат низ што поминале во првата бременост, а дека тој двата пати имал убаво претчувство.

– Не обрнувам внимание на коментарите, луѓето си даваат преголема заслуга. Јас и Јоцо знаеме низ што поминавме за да дојде Ѓурѓа на свет. Ништо друго не мислевме дека може да се направи така лесно, без грст лекови, очигледно Господ поинаку сакал, се случи, ние сме најсреќните на светот. Каде и да седевме со семејството или пријателите, им кажуваше дека сум бремена, мислам дека не гледаа како да сме луди. Беше убеден, знаеше, не беше многу изненаден, ниту за првиот пат не го измами претчувството – изјави Марија за Блиц.рс.

Јован има син од првиот брак, а Марија вели дека особено се радува на друга сестра или брат. Пејачката истакнува дека не планира да ги откаже настапите и дека ќе работи се додека тоа не и е тешко.

– Цел живот зборувам дека ќе имам деца колку што можам. Не планирам секоја година, сакам да се посветам на кариерата и на се, можеби би сакала уште едно за четири, пет години, но тоа не се планира, рече убавата пејачка.