Кафе муабет
ПУКНА ТИКВАТА: Џани ги потпиша документите и напиша – Готово е!
Слаѓа летуваше во Турција, додека Џани поголемиот дел од деновите ги минуваше во Црна Гора...
Фолкерот Радиша Трајковиќ Џани, како што пишуваат медиумите, има сериозни проблеми во бракот, а судејќи според приказните, тој и неговата сопруга Слаѓа планираат да се разведат.
Целата приказна беше поттикната од информацијата дека познатата брачна двојка наводно за прв пат отишла на одмор одделно.
Слаѓа летуваше во Турција, додека Џани поголемиот дел од деновите ги минуваше во Црна Гора.
Тие досега не се огласија за ова. Пејачот објави фотографија во друштво на адвокат, потпишувајќи некои документи. Она што ја шокираше јавноста е описот на фотографијата каде пејачот напиша: „Готово е“.
Сите веднаш помислија дека станува збор за развод, а ниту Џани ниту Слаѓа не одговорија за што станува збор.
Инаку сопругата на Џани беше мета на критики откако реши да проговори за моменталната ситуација и се пожали дека кризата им затропала на вратата.
Никогаш не сум тропнала на ничија врата, кој има ѓубре не гледа во неговиот двор, туку во нечиј друг. Ниту се фалам, ниту се жалам. Прилично е лоша ситуацијата, живееме со тоа. Имавме некои планови, но и некои трошоци. Да знаев дека ќе потрае ситуацијата подолго време, можеби немаше да инвестирам во нешто. Секој има свои маки – рече Слаџа и додаде:
– Луѓето постојано се прашуваат што јадеме? Па, јадеме паштета и леб, пржени јајца, јадеме како што и нормалниот свет. Дали некој прашува каде е едното дете, па друго, па третото, каде е едниот, каде е другиот стан, колкави ни се долговите? На пејачите им е лесно да заработат многу, но никој не потенцира дека имаме многу трошоци. Никој во ситуацијава не ми прости долг и никој не праша дали имаш пари да платиш? – заклучи сопругата на Џани за „Стар“.
Таа често пати во јавноста знае да истакне дека со сопругот живеат на висока нога, а како што вели, трошоците заради короната им се огромни.
Џани во една прилика откри дека одлично функционираат со Слаѓа.
– Во мај славиме 25 години, никогаш не сум се скарал со жена ми, ниту пак ќе се карам. Таа ме познава и не ми пречи – додава тој.
