Продава крпи, тоалетна хартија, батерии- Ова е тезгата на таткото на Рада Манојловиќ- пејачката не се срами од она што тој го работи: ЗАРАБОТУВА ЧЕСНО!

Познатите личности кога ќе го достигнат врвот на славата најчесто не сакаат да зборуваат за своето минато, ниту да откриваат многу за своето детство.

Најчесто се срамат од своето потекло и избегнуваат да ги претставуваат родителите и најблиските и пошироките роднини во медиумите.

Но Рада Манојловиќ е можеби една од малкуте познати личности која воопшто не се срами од своето минато туку напротив гордо зборува за своето детство, за работата на нејзиниот татко, за тоа колку тој се жртвувал за неа итн.

Рада со гордост истакнува дека е дете од село и секогаш имала само пофални зборови за својот татко Раде и за мајката која прерано починала.

Неодамна пејачката откри и дека нејзиниот татко работи на тезга и продава тоалетна хартија, часовници и разни дребулии, бидејќи сака да заработува сам и покрај тоа што неговата ќерка може да му обезбеди се што му е потребно за удобен живот.

Сега порталот Ало.рс го посети Пожаревац каде Раде ја има својата тезга па осамнаа фотографии и на лице место обожавателите на пејачката можеа да видат како тој заработува.

Раде Манојловиќ ја продава својата роба на импровизиран штанд каде може да се најдат филтри за цигари, батерии, крпи, тоалетна хартија и ситни предмети за домаќинството.

– Па што би правел дома?! Ми се допаѓа да сум овде, разговарам со луѓе, пиеме ракија, се шегуваме и ми доаѓа како храна за душата. Кога сум дома, морам да сечам дрва и да готвам. А кога не работам на пазар, ја обработувам нивата. Секогаш треба да работите нешто кога сте на село. Често читам на интернет дека не треба да работам на пазар бидејќи ќерка ми има пари, но тоа не ми пречи, свесен сум дека мора да се пишува.

– Целата роба овде оди ефтино. Тука обично нема профит, ова можам да го искористам за да платам струја или интернет. Многу ми помагаат децата. Благодарение на нив сум обезбеден и не размислувам дали ќе имам со што да платам.

– Понекогаш земам скршена кола, влегувам во мојата работилница и не излегувам додека не ја поправам и не ја средам. Потоа ја продавам и тоа е како инекција, па можам да купам нова роба за пазар. Не бев студент, па и денес сум жив и се залагам. Не знаев како да заработам големи пари, но секогаш имав доволно пари. Некогаш помалку, некогаш повеќе.

Раде за српскиот портал Ало искрено ги коментираше пишувањата за љубовниот живот на неговата ќерка и заклучи зошто таа се уште не се омажила.

-Би сакал Рада да се омажи и да имам зет, но колку што гледам тоа не е за неа. Секој маж би ја спречил во нејзината работа. Ретко кој маж би можел да поднесе да има толку успешна сопруга. Таа популарност е меч со две острици. Само да се појави добра душа како неа, па да се омажи – рече таткото на Рада.