Бебе
За неа нема граници: “Девојката со крилја” објави видео и покажа како со стапалата го облекува бебето- таа е вистинска инспирација…
Ужива во мајчинството...
Дека за една мајка нема граници кога е во прашање нејзиното дете доказ е сликарката и шампионка во паратаеквондо, Дејана Бачко, позната и како Девојkaтa со крилја.
![](https://mama.glamur.mk/wp-content/uploads/2023/02/дејана-м.png)
Таа инаку има хендикеп, родена е без раце а пред неколку дена објави видео на кое со стапалата ја облекува својата новородена ќерка Лара, и со таа глетката трогна илјадници нејзини следбеници на Инстаграм.
![](https://mama.glamur.mk/wp-content/uploads/2023/02/дејана-х.png)
Откако стана мајка пред десет дена, Дејана речиси секој ден објавува видеа на кои покажува како се справува со родителството и ја споделува неизмерната среќа со своите следбеници.
![](https://mama.glamur.mk/wp-content/uploads/2023/02/фтгѕ.jpg)
Во последното видео од серијалот Дејана покажува како ја менува облеката на бебето – со стапалата, а судејќи по сцената, Девојката со крилја одлично си ја врши работата кога се во прашање обврските околу нејзината ќерка.
View this post on Instagram
Коментарите под објавата беа позитивни: „Капа, доле“, „Храбра жена“, „Само храбро! Браво! Секој што се жали за нешто во животот нека го погледне ова видео“, „Честитки“, се само дел од коментарите под објавата на Дејана.
![](https://mama.glamur.mk/wp-content/uploads/2023/03/2dje_Pn7-641x1024.jpg)
Инаку, Дејана иако има хендикеп, сосема нормално ги извршува сите секојдневни активности и обврски, а со следбениците на Инстаграм споделува како слика, патува и тренира.
![](https://mama.glamur.mk/wp-content/uploads/2023/03/дејана-ми.png)
Со оглед на тоа дека е родена без раце, научила да го користи своето тело на поинаков начин во споредба со другите, на пример да држи четка за сликање со прстите на нозете, а неодамна изјави дека мајчинството за неа е само уште еден предизвик за кој е подготвена и е пресреќна поради приновата.
![](https://mama.glamur.mk/wp-content/uploads/2023/03/дејана-м.png)
– Јас сум одлично. Тоа е неописливо чувство, навистина, многу ми е мило што станав мајка. Нова улога, голем предизвик. Јас сум многу среќна. Секако, тука е и поддршката од мојот сопруг, а тука ќе биде неговото и моето семејство – изјави храбрата Дејана по породувањето.
![](https://mama.glamur.mk/wp-content/uploads/2023/03/дејана-лл.png)
– Дејана навистина добро издржа се, како што издржува се друго. Од моја страна јас сум сосема опуштен – додаде нејзиниот сопруг Марко за Радио-телевизија Војводина.
![](https://mama.glamur.mk/wp-content/uploads/2023/03/2dje_Pn7-1-641x1024.jpg)
„Сега си мајка со крилја, бебето е преубаво“, „Браво, жива и здрава Лара“, „Честитки“, беа само дел од коментарите по објавата дека Дејана станала мајка.
![](https://mama.glamur.mk/wp-content/uploads/2022/09/дејана-12.png)