За два месеци ќе заработи за три стана во Белград – еве колкав е хонорарот на Цеца!

По големата пауза од речиси година ипол, поради вирусот корона сега најголемата фолк дива Светлана Цеца Ражнатовиќ ќе одржи вкупно десет концерти во регионот во текот на јули и август, а ако земеме предвид дека нејзината просечна сума е 30 000 евра, тоа значи дека ќе биде побогата за 300 000 евра, што е вредност на 3 стана во главниот град на Србија.

Претходните денови таа веќе имаше настапи во Љубовија, каде пееше пред неколку илјади луѓе на отворено, а неколку дена подоцна направи неверојатна атмосфера и во дискотека во Будва.

До крајот на месецот ќе има уште една тезга, на стадионот во Врњачка Бања додека во август ќе има уште седум концерти.

Тaa ќе посети повеќе локации во регионот а два пати ќе дојде и во Македонија.

Како што дознава Србија Данас, Цеца ќе заработи дури 300.000 евра за тие десет настапи, што секако е рекордна сума кога станува збор за летните турнеи на домашните sвезди.

Една од првите непланирани прослави на која Ражнатовиќ пееше беше во чест на Новак и Јелена Ѓоковиќ, откако тенисерот ја освои титулата на Ролан Гарос. Наводно, таа не земала хонорар за тоа. Таа тогаш, меѓу другото, го отпеа својот голем хит „Tacno je “, а на снимките што кружеа на социјалните мрежи можевме да видиме како Новак и Јелена уживаат во забавата со песните на Цеца.

Извор близок до пејачката вели дека има многу покани и понуди за соработка за следните есенски месеци, но таа нема да закаже настапи од септември, бидејќи не е познато каква ќе биде состојбата со пандемијата.

Во интервјуто за емисијата „Ексклузив“, таа не го криеше својот ентузијазам за атмосферата од концертот, што навистина и недостасуваше.

– Ситуацијата е позната, ништо не се случуваше никаде, па ниту во Црна Гора, Србија, регионот … Запре целиот свет. Да ни кажеше некој, немаше да веруваме дека целиот свет може да застане и да бидеме затворени во нашите домови … И, фала му на Бога … – вели фолк sвездата.

Но она што им падна во очи намногумина е тоа што во Будва, популарната пејачка блескаше во гламурозна бела креација, која на многумина им личеше на венчаница, а новинарот Божо Добриша ја праша дали можеби сака повторно да стапне на лудиот камен.

-Не, не, немам намера да се мажам. Не, ова не докажува ништо, јас сакам бело. Јас веќе го сторив тоа во минатиот век, се омажив, во овој век ќе бидам девојче … Само девојче, ако го држам разумот!
Цеца објасни и дека нејзиниот емотивен партнер Богдан Срејовиќ беше оправдано отсутен и не стигна на настапот.

-Богдан е во Белград, тој има свои деловни обврски, јас ги имам моите … И за време на паузите, кога сме слободни, заедно сме. Короната не успори сите, сите мора да работиме – рече Цеца, која се осврна и на големото признание што го доби – имено, нејзиниот концерт на Ушче е рангиран во ТОП 10 најпосетувани на овие простори, кога се во прашање сите светски изведувачи .

– Википедија го извади податокот дека мојот концерт од 2013 година беше во топ 10 и можам да ви кажам дека бев изненадена, пресреќена. Тоа е сериозна награда и за мене и за мојот тим. Да се ​​биде во топ 10 во светот е навистина фасцинантен факт.