„Јас сум фатална жена и не сакам помлади мажи“- Гоца Божиновска без влакна на јазикот откри се за љубовните афери

Пејачката Гоца Божиновска со години е синоним за жена која знае да ги носи своите години и успешно му пркоси на времето кога се во прашање физичкиот изглед и енергијата, а рецептот е само еден.

– Не размислувам за годините! Живеам триста саат, воопшто не спијам. Често можам да кажам „Не спијам, не сум луда да стареам!“ Додека спиеш животот ти поминува. Малку се шегувам, но сакам да сум во движење, трчам, јадам еднаш дневно. Порано кога бев помлада повеќе сакав да јадам и бев дебела, а сега кога остарев станувам послаба и послаба бидејќи не ми се јаде – открива пејачката Гоца Божиновска за Гранд и признава дека таа се смета себеси за фатална жена.

Таа неколку пати отворено изјави дека никогаш нема да биде со помлади мажи, а тој став го задржува до денес.

– Цврсто стојам на тоа! Иако повеќе ми се додворуваат помладите отколку постарите, никогаш не би можела да бидам со нив! Иако се згодни мажи, десет до петнаесет години помлади, иако некои колешки ми велат дека сум луда поради тоа, тоа е мој принцип. Генерално, може да ме освои тој што е добар човек. Иако на почетокот се главно фолиранти, само се прават добри, а подоцна покажуваат дека не се – тврди Божиновска.

На прашањето дали таа секогаш ги оставала своите мажи, Гоца одговорила:

– Да! Секогаш заминував, дури и од мојот сопруг кога дознав дека ме изневерува. Не го оставив за некој друг, туку го оставив поради измама, која никогаш не ја простувам!- открива Гоца.

Последните години од животот Шијан ги поминал со најдобрата пријателка и сосетка на Гоца, Горана, поради која ја оставил. Од таа љубов Шијан и Горана добија син.

– Не беше лесно. Бевме пријателки. Животот така наметна. Ме промени. Тоа беше најтешкиот момент во мојот живот. И покрај се, пак би го избрала, среќна сум што имав толку убав маж во еден период од мојот живот и што со толку квалитетен маж добив деца, тоа никогаш не би го променила. Сега, кога би станал од гроб, да бев млада, пак ќе го направев истиот избор. Единственото нешто што би го променила во мојот живот е тој да биде жив. Би прифатила десет жени покрај себе, да ги финансирам и поддржам сите, само тој да беше жив – рече Божиновска.

Гоца во една прилика откри дека покојниот Шијан на почетокот на бракот бил сопруг каков што може само да се посака.

– Имав убав брак и живот со него. Тој беше најдобриот сопруг и татко на светот. Знаеше да оди до пазар, до продавница и да донесе се што ми треба. Беше спортист, тренираше, водеше здрав живот, имаше многу пријатели. Чента и Гишка редовно доаѓаа со него на моите настапи и ми даваа навистина добар бакшиш. Тие беа поголеми господа од сите интелектуалци, никогаш не правеа никаков проблем. Ме обожаваа! Со текот на времето станаа и мои пријатели.

Меѓутоа, иако лудо се сакале, Зоран почнал да ја изневерува Гоца. Поради тоа се развеле но продолжиле да се гледаат секој ден:

-Почна да шврља па се разведовме, но не се разделивме. Постојано доаѓаше и мене и децата не носеше насекаде. Подобро се сложувавме во тој период отколку во последната година од заедничкиот живот. Да знаев дека ќе заврши толку трагично во 1999 година, ќе го оставив да живее и немаше да го обвинувам за ништо! Па, сега ми е жал што немаше десет жени покрај себе. Тој беше добар човек, вистинско момче! Заслужи се најдобро во животот. За жал, тој си замина млад. Ми беше многу тешко кога умре, но не сакам да зборувам за тоа.

По убиството на Зоран, пејачката остана сама со три деца во незавидна ситуација.