Убавата Хурем изгледа волшебно по породувањето: Објави фотографија со својата наследничка- фановите воодушевени од нејзинот изглед!

Убавата црвенокоса актерка Мерием Узерли, која ја воодушеви публиката со улогата на фаталната Хурем во серијата „Сулејман Величествениот“, пред неколку месеци го роди своето второ девојче Лили Кои.

Таа постојано објавува фотографии на социјалните мрежи со своите ќерки и може да се забележи дека навистина ужива во дружбата со нејзините најмили.

Мерием е мајка на шестгодишната Лара, која ја доби од врската со 17 години постариот турски бизнисмен кој ја остави додека беше бремена, а пред неколку месеци таа ја доби својата втора ќерка Лили Кои.

Мерием изгледа прекрасно, а фановите се согласуваат дека мајчинството многу и одговара.

Таа овој пат го крие својот партнер, а се знае само дека со него живее во Берлин и дека се чувствува исполнето и среќно.

Таа претходно беше критикувана од своите фанови поради своите естетски корекции на лицето.

Како што објавија турските медиуми, Мерјем пред некое време наводно направила естетска корекција на устата и јаболчиците, а и претерала со ботоксот. Од тие причини некои и замеруваат дека претерала, но за други пак, таа блеска посебно откако повторно се оствари во улога на мајка.

 

Но и покрај тоа што си замина од Турција, таа се уште е честа тема во турските медиуми и публиката се интересира за секој детаљ од нејзиниот приватен живот.

Сега сите се прашуваат кој е таткото на нејзината втора ќерка, но популарната актерка тоа не го открива.

„Некои работи ќе ги задржам само за себе“, изјави таа пред неколку месеци и на тој начин ги заинтригира фановите.

Имено откако ја роди својата прва ќерка таа се повлече од јавната сцена и му се посвети на семејниот живот, а нејзината кариера ја остави во втор план.

Неодамна беше објавено дека планира да им се врати на малите екрани, но очигледно дека и овој пат наместо на кариерата таа е решена да се посвети на своето семејство.

А тоа дека ужива во мајчинството, можеме да видиме и од нејзините фотографии на кои е со своите наследнички и кои редовно ги објавува на социјалните мрежи.