Тажната приказна што се крие зад жената што ги има најдолгите нокти на светот

Жената која ги има најдолгите нокти на светот отворено почна да зборува за тоа каков е нејзиниот живот навистина и со какви предизвици се соочува во текот на денот со комбинирана должина на нокти од 1.306,58 сантиметри.

Таа вели дека веќе 22 години не била во салон.

Жената која го сруши Гинисовиот рекорд за најдолги нокти на пар женски раце зборуваше отворено како го живее своето секојдневие со должина на нокти приближна на школски автобус.

Диана Армстронг од Минесота, САД, ги растела своите нокти повеќе од 25 години. Нејзиниот најдолг нокт се наоѓа на нејзината десна рака и е долг 138,94 сантиметри, додека на левата рака е најзиниот најкраток нокт кој е долг 109,2 сантиметри.

Дијана последен пат ги исекла своите нокти во 1997 година, кога ветила дека никогаш повторно нема да ги сече ноктите, откако страшна трагедија го погодила нејзиното семејство.

Тој ден за Диана почнал како секој друг ден, почнала да ги буди децата, да станат од кревет, додека таа отишла до продавница да купи храна и потребни намирници. Додека пазарела добила телефонски повик од нејзината најмалада ќерка која и кажала дека нејзината друга ќерка 16 годишната Латиша не можат да ја разбудат.

Нејзината ќерка починала во сон од напад на астма.

Латиша била последната личност која ги средила нејзините нокти. Диана која имала долги нокти во тоа време, секоја недела правела маникир, кој и го правела нејзината ќерка Латиша.

Нејзините други деца постојано ја убедувале да ги исече и изманикира ноктите, но кога им ги објаснила своите мотиви во врска со не правење маникир, ја разбрале и се согласиле со нејзината одлука.

Диана објаснила дека долги години се борела со депресија и дека растењето на ноктите и претставувало начин да ја одржува својата ќерка во мислите.

 

Диана зборуваше и како се соочува со секојдневните предизвици како на пример вели дека:

-Имам проблем со закопчување на патент од панталони или јакна. Можам да отворам лименка но само доколку имам нож во близина. Порано возев и автомобил, но раката мораше да ми биде надвор од прозорецот, затоа и веќе не возам.

-Во јавни тоалети морам да го користам најширокиот тоалет, кој најчесто е помал од должината на моите нокти-додаде Диана

-За секој нокт ми треба околу 10 часа да го средам и излакирам. Ги средувам еднаш на секои четири до пет години, и за тоа ми се поттебни 15 до 20 шишиња на лак за нокти. Ги лакирав минатата недела и ми одзема четири дена-објасни таа-пишува Миррор.

Предизвик за Диана е лакирањето на ноктите да го прави сама, па затоа во тоа и помагаат нејзините внуци кои уживаат во лакирањето на нејзините нокти во различни бои.

Откако таа официјално доби признание од тимот на Гинисова книга на рекорди претходно оваа година, Дијана најпрво мислела дека се работи за шега, но сега е горда на својот успех и верува дека и Латиша би била горда на неа исто така.

Извор: Мирор, Гламур