Сите го коментираат стајлингот на бремената Богдана Ражнатовиќ: Снаата на Цеца блеска, ги доби сите комплименти за ова нејзино издание

Во семејството Родиќ оваа година ќе има многу убави моменти. Имено сестрите Родиќ и станаа познати на јавноста откако Богдана стана снаа на фолк дивата Цеца Ражнатовиќ а Бојана се омажи за синот на фолкерката Гоца Божиновска.

Минатата недела Бојана Родиќ- Шијан го роди своето второ дете синот Вукан а за неколку месеци по втор пат во улога на мајка ќе се оствари и нејзината сестра Богдана.

Имено Богдана и Вељко Ражнатовиќ се горди родители на синот Жељко, а на пат е уште едно бебе.

Младиот пар за неколку месеци ќе добие уште едно момче на кое ќе му го дадат името Крстан, а идната мајка, судејќи по фотографиите на социјалните мрежи, ужива во бременоста.

Стајлингот на Богдана Ражнатовиќ привлекува внимание каде и да се појави, а тоа е особено случај сега, кога остануваат само уште три месеци до породувањето и кога нејзиниот труднички стомак е многу забележлив.

Дали и колку се менува фигурата на сопругата на Вељко во последните месеци е тема која постојано се коментира, а со оглед на тоа што немаме многу можности да ја видиме во јавност, секоја нејзина фотографија што се појавува на „Инстаграм“ предизвикува бура од реакции.

Дека црномурестата убавица блеска, а блажената состојба одлично и прилега, се само дел од коментарите на последната фотографија што ја сподели, а имаше само пофални зборови и комплименти за нејзиниот стил во бременоста.

Имено, како снежната кралица од најубавите бајки, снаата на Цеца позираше со својот сакан на снегот и откри како изгледа во шестиот месец од бременоста, а нејзиниот моден избор одлично се совпадна со планинската идила.

Во потполно бела комбинација, тесни панталони, скапа бунда и брендирани, исто така бели снежни чизми, ги остави сите без здив, сепак, најзабележителна беше нејзината блескава насмевка која на сите им стави до знаење колку е среќна и исполнета жена.