Карлеуша ја “шутна”Вики: Миљковиќ нема да ја уредува вилата на Дедиње, се скараа со Јелена, а еве која беше главната улога на Душко!

Јелена Карлеуша го откажа ангажманот на компанијата на Вики Миљковиќ и нејзиниот сопруг Драган Ташковиќ, со кои беше договорено да ја реновираат и украсат новата вила на Дедиње, каде што неодамна се пресели со ќерките.

Како што дознава српски Курир од извор близок до Карлеуша, иако долго време се зборуваше дека е постигнат договор меѓу нив две оваа соработка не се остварила, а има две можни причини за тоа, заминувањето на Јелена од жирито во „Ѕвездите на Гранд“, но и тоа што во меѓувреме Карлеуша и поранешниот фудбалер решија да стават точка на бракот.

Според извор близок до пејачката, главните преговори за проектот за аранжман Ташко и Тошиќ ги воделе вербално, а потоа ги информирале своите сопруги за напредокот на договорот и предлозите, со кои Јелена секогаш се согласувала во поголема мера, со тоа што имала и неколку нејзини посебни желби и барања, кои подоцна нејзиниот сопруг му ги претставил на сопругот на Вики. Заедничкиот договор беше дека кога сè ќе биде усно договорено и ќе се договорат сите детали за соработката, Вики и Ташко да ја стават приближната сума на хартија, а потоа да го потпишат официјалниот договор и да ги парафираат сите точки од договорот.

Но, поради веќе споменатите причини, како и пандемијата на коронавирус и други непредвидени околности, уредувањето на вилата траеше подолго, дојде до промена во плановите и визијата како ЈК го гледа својот дом, па таа се откажа од оваа соработка. За ова официјално не ја известила Вики, која упорно и се јавувала неколку пати, но таа не и одговарала на телефонот, а неодамна ја блокирала и на социјалните мрежи, па двете веќе немаат никаков контакт, додека Душко претходно решил целосно да се повлече од оваа приказна и сите тие детали да и ги остави на Јелена.

Дека соработката не се оствари неодамна потврди и самата Вики.

– Точно е дека Душко и Ташко само привремено разговараа за преуредувањето на нивната вила. Го направивме проектот и се уште е во фаза на подготовка. Но, реализацијата не се случува секогаш. Едноставно некои околности ви ги пореметиле желбите и плановите, па ни таа соработка не се оствари. Никогаш не знаеш. Важно е сите да сме живи и здрави – изјавила Вики за локалните медиуми.

„Од договор до удобност“ е слоганот на компанијата на Виолета, но во овој случај очигледно нема ништо од удобност бидејќи ЈК не го потпиша овој договор.

Бизнисот со недвижнини цвета…

Вики Миљковиќ, покрај тоа што е пејачка со децении, таа е и директорка на компанија која успешно продава недвижен имот.

Во Белград на вода цената за квадрат може да достигне и до 10.000 евра, додека најевтината е околу 3.000 евра.

Да потсетиме, Вики Миљковиќ купила дури три стана во Белград на вода, а оној во кој живее веќе неколку пати го покажала на социјалната мрежа Инстаграм.

Покрај бројните успеси во областа на музиката, Вики Миљковиќ и нејзиниот сопруг Драган Ташковиќ Ташко добија и престижно признание во областа на недвижностите, а очигледно им оди се подобро и подобро, а инвестираа и во маркетинг.

Иако направи завидна кариера пеејќи популарна музика, која ја прослави и и обезбеди статус на шоу бизнис и и обезбеди финансии за приватен бизнис, Миљковиќ сака да остави микрофонот се со цел уште посериозно да се посвети на продажбата и уредување ексклузивни станови како во Србија така и во странство.

Извор близок до фолк ѕвездата, за медиумите вели дека Вики се повеќе се посветува на приватниот бизнис и дека сака целосно да се повлече од сцената.

– Виолета за кратко време постигна голем успех, занимавајќи се со посредување при продажба на недвижен имот и уредување на ентериер. За да може да ја води компанијата, добила дополнителна обука во областа на менаџментот и финансиите и ништо не оставила на случајноста – започнува изворот.

– Ситуацијата со короната, која трае цели две години, насилно ја одвои од микрофонот и настапите, но имаше што да прави. Кога сфатила дека и оди добро, дека бизнисот се шири и цвета уште повеќе и посериозно навлегла во целата приказна. Запознала нови соработници, потпишала договори, го проширила бизнисот, па стигнала во Дубаи каде има свое претставништво – објаснил изворот за „Ало“.

Иако од 2016 година во неколку наврати најавуваше нов албум, Вики Миљковиќ има издадено само неколку синглови и можеме да ја видиме само како постојан член на жирито и ментор во „Ѕвездите на Гранд“, а изворот наведува дека ги намалила настапите по сопствена иницијатива за да се посвети на бизнисот.

– Вики има готов албум, но се уште не одлучила дали и кога ќе го издаде. Додека ПР тимот и соработниците ја убедуваат да објави барем една песна, таа не сака да зборува за тоа. Своите настапи ги сведе на минимум, максимално по два часа пее само во големи клубови и дискотеки, по што се повлече од сцената. Менторството во Гранд го остави како нејзина медиумска активност од две причини. Првата е дека е обврзана со договор, а многу го цени Саша Поповиќ, а втората затоа што не сака да ги остави своите кандидати на цедило – вели добро упатен извор.

Вики Миљковиќ и Драган Ташковиќ Ташко се решени дополнително да го прошират својот бизнис. Бидејќи досега беа само посредници, решија да се обидат во изградба на станбени комплекси. Идејата е да се изгради нова генерација паметни згради кои ќе бидат прилагодени на потребите на современиот човек, јавуваат локалните медиуми.