Измамникот Тале го контактирал адвокатот кој се закани дека ќе го гони за измама- Го молел да го сослуша- еве што му рекол тој

По вчерашната вест која ја шокираше јавноста, дека Тале Витанов кој се претставуваше како самохран татко на две малолетни деца, всушност бил измамник.

По тој повод се огласи и адвокатот Јанаки Митровски, кој посочи дека би го гонел измамникот и јавно праша кој од оние кои донирале се согласуваат со него.

По извесно време Јанаки ја извести јавноста дека добил повик од Тале кој воедно му посочил дека тоа што го прави не му личи бидејќи бил адвокат и побарал од него да го сослуша.

И со цел памет Трајче коцкарот ми се јави. Не ме личело, адвокат сум бил.
– Може ли да ме сослушаш?
– НЕ!, стои во објавата на адвокатот Јанаки.

Во коментарите под објавата на адвокатот има и такви кои го обвинуваа дека не гони политичари и поголеми измамници а на тоа Јанаки одговори:

Да потсетиме, водителката и инфлуенсерка Миа Костова вчера ја сподели веста дека Тале е измамник.

Имено Миа се осврна на една од емитуваните стории на емисијата Срце на Дланка кога Тале Витанов од Велес се појави и ја растажи јавноста со својата сторија дека е самохран родител на две малолетни деца кои често пати си легнуваат гладни бидејќи тој не е во можност да им даде храна и се што е потребно за нив.

Овој апел кружеше на социјалните мрежи. Многу хумани граѓани се пријавија да му помогнат на Тале а воедно беше оставена и жиро сметка на која можеше да се испраќаат парични средства за помош.
Апелов го објавивме мислам дека сите!

Никогаш не сум кажала кога донирам, ама еве сега ќе кажам дека во истиот момент префрлив пари на сметка.

Се испостави дека се работи за коцкар, кој дреме по кладилници, своевремено освоил џекпот на апарати од 26.000 евра, со сопругата не е разделен го гледаат низ Велес, самохран татко бил за потребите на снимањето.

Од вакви приказни утре нема да донира некој кај што е навистина потребно.

Јавно барам одговорност од Срце на дланка со она малку новинарско искуство што го имам, како снимаат сторија ако цел Велес знае за каков човек се работи а тие на еден повик одат и прават приказна која вклучува и деца кои судејќи по трпезата и расположението на Тале, не се баш гладни.
Срамота!-напиша Миа Костова.