ЕУФОРИЈА ВО ДОМОТ НА СЕКА АЛЕКСИЌ: Пејачката ги шокираше сите- во дворот постави кокошарник а реакцијата на синовите е бесценета!

Пејачката Сека Алексиќ е позната како некој што ги сака децата, животните и семејниот живот, а откако се омажи за Вељко Пиљкиќ, се труди да направи максимално попријатен дом во кој нејзините синови Јаков и Јован ќе уживаат и ќе растат среќно.

Иако често акцентот е ставен на изгледот на нејзината куќа, а бројките на кои се проценува се вртоглави, сепак Сека никогаш не му придавала значење на тоа.

Алексиќ постојано инвестира во својот семеен дом, каде децата од соседството често доаѓаат да си играат со нејзините синови и да уживаат во многуте работи што пејачката им ги овозможила на сите.

Исто така, Сека многу ги сака животните, има неколку кучиња кои ги обожава, а сега реши да купи кокошки.

Таа откри дека и пристигнал кокошарник со неколку кокошки и покажала како изгледа сето тоа.

Нејзините синови не ја кријат радоста за новите пријатели, особено Јован, кој не може да се одвои од кокошките, ги храни и разговара со нив, а целата сцена ја разнежни Сека која го учи како да се однесува со животните.

Инаку токму Сека е една од ретките личности од јавната сцена која успеа да го одвои приватниот од деловниот живот и со сопругот Вељко и синовите ужива во Стара Пазова, каде што изградија куќа.

Неодамна во интервју за „Супер ТВ“, пејачката истакна дека конечно успеала да најде мир и спокој во душата и е благодарна за се што има.

– Никогаш не сакав гласно да зборувам за мојата среќа, но навистина најдов мир и спокојство во душата. Сè уште сум дел од сцената, но повторно далеку од камерите и рефлекторите кога сакам. Мојата оаза на мирот е во Стара Пазова и сакам да бидам изолирана. На почетокот многумина ме критикуваа дека избрав локација која не е фенси и популарна, но сегашниот мир, градина и двор што ги имам не би го сменила за ниту една вила на Дедиње, вели пејачката.

– Планот е проширување на семејството. Планирам од септември да одам на ин витро. Се друго е во Божји раце. Би сакала да се исполнам во улогата на мајка и моето трето дете да биде круна на моето семејство. Синовите најмногу се радуваат на проширување на семејството и често ми велат дека би сакале да имаат сестра, а морам да признаам дека и јас сакам ќерка.

Сека истакна дека нејзините синови се свесни дека нивната мајка е јавна личност и дека од сега разговара со нив на таа тема.

– Јаков и Јован разговараат со мене на таа тема, но не сакам да ги оптоварувам со тоа. Јас им сум мајка, а не пејачка. Другите деца се упатени што прави нивната мајка, но не се оптоварени да ги прашуваат за тоа, веројатно се уште се мали и немаат толкава свест за тоа. Ќе видиме како ќе реагира нивната околина кога тие ќе пораснат.

– Сите пари што ги заработив и ги стекнав во кариерата заедно со мојот сопруг Вељко, секако дека ќе одат за моите деца. Непримерно е да се зборува за тоа дали сум им отворила банкарски сметки или планирам недвижен имот. Едно е сигурно, а тоа е дека се им е обезбедено до крајот на животот.

Вели дека сега кога е повозрасна и остварена во улогата на мајка е многу поисполнета од порано.

– Гледам голема разлика во духовна смисла. Кога бев помал бев желен за се, трчав на сите страни за да постигнам. Сакав да изградам голема куќа, да возам што е можно подобар автомобил, да ги носам најскапите брендирани парчиња облека и тогаш кога го постигнав сето тоа, сфатив која е целта на животот. Духовното што го носите во себе не може да се мери со ништо, дури и ако имате милиони на вашите банкарски сметки. Да го пронајдете вашиот мир, прибежиште и да имате здраво семејство е најголемиот благослов што животот може да ви го даде.

– Задоволна сум од начинот на кој публиката го прифати албумот „Биоскоп“. Не сакав по секоја цена да се прилагодувам на новите трендови во музиката, сакав да бидам доследна на себе, вели Сека.