Во нејзиниот дом не се слушна детски плач: Погледнете во каков луксуз живее Лепа Лукиќ- една соба особено и значи, а од ова сознание ќе ви надојдат солзи

Во 2004 година, Лепа Лукиќ се пресели во простран стан во Жарково и тоа како што откри во една прилика на барање на нејзината мајка, на која многу и пречела градската гужва, особено звукот на трамвајот во Дорчол.

Мајката на пејачката во тој период била многу болна, и на неа и била потребна посебна грижа, па нејзината ќерка Лепа, не размислувала многу да го продаде имотот во центарот и да се пресели во периферијата, каде што стекнала прекрасни пријатели кои и помагаат во средувањето и украсувањето.

– Мајка ми не можеше да спие ноќе. Затоа решив да го продадам тој стан и да купам во периферијата. Многу ми се допадна овој, бидејќи е простран, има четири соби и голема тераса од која се гледа цел Белград. Многу ми се допаѓа и никогаш повеќе не би живеела во центарот. Воздухот е подобар, и многу ми е важно што сум на првиот кат, бидејќи од кога се сеќавам се плашам од лифтови – изјави претходно Лепа за медиумите и додаде:

– Се средував сама по сопствен вкус и согласно моите потреби. Кога се преселив купив нови работи, а никогаш не побарав помош од стручњак за уредување на просторот за живеење, бидејќи мислам дека можам сама да ја завршам работата.

Домот на Лепа Лукиќ е украсен со прекрасна црвена кујна во која таа го поминува можеби дури и поголемиот дел од своето време бидејќи обожава и знае да прави секакви дијаконии.

– Готвам многу добро и често ги учам моите пријатели да прават некои од моите специјалитети. Неодамна почнав да јадам според правилата кои беа воспоставени врз основа на мојата крвна група. На секои три месеци одам на тест каде што лекарите одредуваат која храна можам и не можам да ја јадам. Се хранам здраво, купувам брашно од овес или хељда и си правам леб, можам да јадам телешко, мисиркино, пилешко и коњско месо. Има и специфични видови на овошје и зеленчук што можам да ги јадам – ​​вели Лепа.

Една од собите е целосно опремена за куклата Милица која пејачката ја доби од „Емоушн“ по излегувањето од реалното шоу Велики Брат. Тоа катче и е свето.

Лепа сака мир и тишина, што е разбирливо со оглед на нејзините години и работата со која се занимава, но вели дека има младалачки дух.

-Не ги разбирам луѓето кои се затвораат во домот и не се грижат за ништо друго. Кога ќе се изморам од патување и настапи, сакам да се одморам во мојот стан, но по неколку дена дома барам друга занимација. Не одам во кафеани, но затоа сакам да пазарувам и да посетувам трговски центри со моите повеќедецениски пријателки, Надица Брекиќ и Мира Ковачев. Трите одиме секаде заедно, а кога сум на пат ми ја чуваат куќата. Кога мајка ми беше болна се грижеа за неа, љубовта меѓу нас е обострана, многу се сакаме – заклучила таа.

Се мажеше три пати

Лепа гордо ги носи своите години а нејзиното добро здравје и младост се должи на нејзината весела природа, силниот имунитет и генетиката што ги наследила од нејзината мајка.

Родена е на 16 јануари 1940 година во селото Милочај кај Краљево. Кога имала две и пол години го загубила татко и Радисав, кој загинал во сообраќајна несреќа.

Мајката Милосија почина во 2007 година на 94 години, а постариот брат Ратко во 2006 година.

Како дете сакала да пее пред огледало и да смислува кореографија која го надополнувала нејзиниот настап. Нејзината мајка ја носела на натпревари каде што победувала, како и на радио аудиции што се одржувале на први секој месец.

Кариерата и започнала кога таа пеела на гроздоберот во Александровац каде и пришол композиторот Петар Танасијевиќ и и понудил да ја сними песната „Од извор два путика“.

Таа склучила договор со продуцентската куќа ПГП-РТБ која и обезбедила стан на улицата Сараевска со договор дека ќе го исплати од продажба на плочи што и се случи следната година.

Како што во неколку наврати призна и самата таа во Белград дошла гола и боса со огромна амбиција да успее во животот. Тогаш започнува нејзината богата уметничка кариера. На територијата на поранешна Југославија нема човек кој не слушнал за Лепа Лукиќ.

Иако ги остварила повеќето желби, таа не можела да има деца поради здравствени проблеми. Меѓутоа, од нејзиниот покоен брат има деца кои ги смета за свои и се грижи за нив.

Во 2011 година учествуваше во реалното шоу „Двор“, а во 2015 година влезе во „Фарма“. Таа тврди дека она што ја одржува е тоа што луѓето ја бараат и дека сепак им е интересна. Таа редовно настапува а и покрај тоа што е во поодминати години гласот и е ист како на почетокот на кариерата.

Зад себе има 3 брака со луѓе кои ги сакала со целото свое срце. Иако и понудиле лесен живот кој ретко кој би го одбил, таа не барала моќен маж, ниту се согласила да се откаже од музиката.

Од првиот сопруг Томе го задржала презимето, но и страста за коцкањето, која им го уништила бракот. И покрај големата љубов, тој не сакаше Лепа да биде пејачка и секогаш се закануваше дека ќе се појави на нејзин настап и ќе направи хаос. По седум бурни години таа се разведе и продолжи со животот.

Таа седум години беше во брак и со вториот сопруг, поп менаџерот Влада Перовиќ, по што се разделија.

Тврди дека и го оставил целиот имот и земал само 200 одела и 2 автомобили.

Нивниот брак заврши неславно во моментот кога Лепа го фати како ја изневерува во нивниот дом. Пејачката во една прилика ја опиша ситуацијата кога ги најде Владо и неговата љубовница во кревет.

– Реков дека одам во странство десет дена да пеам. Ме одведе до аеродромот. Се бакнавме. Јас, како наводно, заминав, но се вратив истата вечер. Ги најдов додека се соблекуваа во спалната соба. Неа ја избркав! Таа ме молеше да и ја дадам облеката, а јас не и ја дадов. После тоа и ја фрлив гардеробата по скалите и ја избркав надвор – рече Лепа во свој стил.

Во 1999 година, за време на турнејата во Канада, таа го запознала Милан Милановиќ, со кого се омажила една година подоцна. На почетокот не и се допаѓал многу, но таа сфатила дека не е рамнодушна кога тој не дошол на нејзиниот настап. Таа тврди дека најважно и е да има пријател со кој ќе може да разговара, да се смее и кој нема да ја спречи да го прави она што најмногу го сака.