Развеселете ги децата: Чоколаден чискејк со орео бисквитчиња

Богатиот чискејк е меѓу омилените десерти на многумина, а денес ви прикажуваме еден рецепт за омилениот колач во верзија со чоколадо.

Потребни состојки:

• 150 грама орео бисквити
• 6 лажици путер
• 240 грама крем сирење
• 100 грама шеќер
• 60 мл кисела павлака
• 2 јајца
• 100 грама темно чоколадо
• 100 грама пржени бадеми

Начин на подготовка: Загрејте ја рерната на 160 степени. Намачкајте го садот со путер. Измешајте ги во блендер орео бисквитите и путерот. Смесата ставете ја во садот и печете осум минути. Оставете ја на страна за да се олади.

Намалете ја температурата на 120 степени. Ставете го чоколадото во сад над пареа и оставете го да се олади. Измешајте го сирењето и шеќерот. Додајте ја павлаката и сето тоа добро промешајте го. Потоа додајте ги јајцата и мешајте две минути. Ставете го ттопеното чоколадо и мешајте уште две минути.

Прелијте ја смесата преку кората и печете околу 45 минути. Потоа, дозволете ѝ на тортата да се олади, најмалку четири часа во фрижидер или преку целата ноќ. Стопете го преостанатото чоколадо, па измешајте го со свежи колачиња или бадеми, па прелијте преку тортата.